'दिघे शेवटपर्यंत जिल्हाप्रमुख होते आणि त्यांचा फोटो बाळासाहेबांच्या बाजूला..', राऊत प्रचंड चिडले अन्...

'जे आमचे आनंद दिघे आहेत हे जिल्हाप्रमुख.. शेवटपर्यंत जिल्हाप्रमुख होते. तुम्ही जिल्हाप्रमुखांना शिवसेनाप्रमुखांच्या बरोबरीने बसवून काय दाखवताय नरेंद्र मोदी आणि अमित शाहांना.. की, अमित शाहांचाच हा आदेश आहे? की बाळासाहेबांचं महत्त्व अजून कमी करा.'

'बाळासाहेबांचं, हिंदुहृदयसम्राटांचं महत्त्व कमी करण्यासाठी हे जे तुम्ही केलेलं आहे  ना.. हे जनता लक्षात ठेवते आहे. एवढंच तुम्हाला मी सांगतो. आनंद दिघे यांच्याविषयी पूर्ण आदर ठेवून हे मी बोलतोय.' असं म्हणत संजय राऊत यांनी शिवसेना मुख्य नेते आणि उपमुख्यमंत्री एकनाथ शिंदे यांच्यावर टीका केली आहे.

हे ही वाचा>> Uddhav-Raj Thackeray: 'तू परत ये.. मला भेटायला!', उद्धव ठाकरेंना 'शिवतीर्था'वर पुन्हा कोणी आणि का बोलावलेलं? अखेर आलं समोर!

एकनाथ शिंदे देणार प्रत्युत्तर?

एकनाथ शिंदेंनी शिवसेनेत बंड केल्यापासून प्रामुख्याने आनंद दिघे यांच्या विचारावर आपण राजकारण करत असल्याचं शिंदे सातत्याने म्हणत आहे. अनेकदा ते ठाण्यातील आनंद आश्रमात जात असल्याचं पाहायला मिळालंय. त्यामुळेच शिवसेना पक्ष आणि चिन्हा शिंदेंना मिळाल्यापासून ते बाळासाहेब ठाकरे आणि आनंद दिघे यांचा फोटो नेहमीच वापरत आले आहेत. अशावेळी आता संजय राऊतांनी ज्या पद्धतीने या फोटोंवरूनच टीका केली आहे. त्यामुळे आता संजय राऊतांच्या या टिकेला एकनाथ शिंदे हे प्रत्युत्तर देणार की नाही हे पाहणं महत्त्वाचं ठरणार आहे?