मोठी बातमी : शरद पवारांच्या आमदाराचा सख्खा भाऊ भाजपमध्ये प्रवेश करणार

हेही वाचा : छावा संघटनेच्या कार्यकर्त्यांना मारहाण करणारे सूरज चव्हाण राष्ट्रवादीच्या प्रवक्तेपदी, रुपाली ठोंबरे अन् मिटकरींनी मोठा धक्का

माजी मंत्री जयदत्त क्षीरसागर यांची साथ सोडून आमदार संदीप क्षीरसागर यांनी वेगळी भूमिका घेतली होती. आता यानंतर आमदार संदीप क्षीरसागर यांचे सख्खे भाऊ माजी उपनगराध्यक्ष हेमंत क्षीरसागर यांनी आता भाजपामध्ये जाण्याचा निर्णय घेतला आहे. त्यामुळे स्थानिक स्वराज्य संस्थांच्या निवडणुकीत क्षीरसागर विरुद्ध क्षीरसागर असा सामना रंगणार? हे पाहाणे सर्वांसाठी औत्सुक्याचे ठरणार आहे. हेमंत क्षीरसागर यांना भाजपमधील पक्षप्रवेश निश्चित झाला आहे. लवकरच पक्षप्रवेश होईल अशी माहिती सूत्रांनी दिली आहे.

बीड विधानसभा मतदारसंघात आतापर्यंत आमदार संदीप क्षीरसागर यांना त्यांच्या लहान भावाने म्हणजेच हेमंत क्षीरसागर यांनी राजकीय प्रवासात खंबीर साथ दिली. मात्र आता हेच हेमंत क्षीरसागर सख्ख्या भावाचे थेट राजकीय प्रतिस्पर्धी ठरण्याची चिन्हे दिसत आहेत. येत्या स्थानिक स्वराज्य संस्थांच्या निवडणुकांमध्ये हेमंत क्षीरसागर हे संदीप क्षीरसागर यांच्यासमोर आव्हान उभं करतील, अशी राजकीय चर्चा बीडमध्ये रंगली आहे.

हेमंत क्षीरसागर यांचा राजकीय प्रवास

विद्यमान आमदार संदीप क्षीरसागर यांचे लहान भाऊ म्हणजे हेमंत क्षीरसागर.

बीड नगरपरिषदेत त्यांनी सक्रिय राजकीय भूमिका निभावली आहे.

प्रत्येक निवडणुकीत हेमंत यांनी भावाला म्हणजे संदीप क्षीरसागर यांना पाठिंबा दर्शवला होता.

यापूर्वी ते बीड नगरपरिषदेचे उपनगराध्यक्ष म्हणून काम पाहिले आहे.

आता मात्र, स्थानिक स्वराज्य संस्थांच्या निवडणुकीच्या पार्श्वभूमीवर हेमंत क्षीरसागर यांच्या भाजप प्रवेशाच्या चर्चांना वेग आला आहे.

इतर महत्त्वाच्या बातम्या 

धनंजय मुंडेना मोठा धक्का, परळीतील विश्वासू सहकाऱ्याला शरद पवारांनी गळाला लावलं, मुंबईत पार पडला पक्षप्रवेश