मविआची विधानपरिषदेची एकमेव जागा, सुप्रिया सुळेंची 'त्या' नेत्यासाठी फिल्डिंग, थेट फेसबुक पोस्ट

हेही वाचा : ‘..तर भाजपला दोष देऊन काय उपयोग? याची गरज नव्हती’, श्रीनिवास पवार रोहित अन् जय पवारांबाबत काय म्हणाले?

महाविकास आघाडीकडे विधानपरिषदेवर निवडून आणता येईल, अशी एकमेव जागा आहे. काँग्रेसने या जागेसाठी उद्धव ठाकरे हे उमेदवार असतील तरच पाठिंबा दिला जाईल, अशी भूमिका घेतली होती. असं असतानाही ठाकरेंच्या शिवसेनेतून काही लोकं विधानपरिषदेवर जाण्यासाठी इच्छुक असल्याच्या चर्चा आहेत. मात्र, उद्धव ठाकरे कोणता निर्णय घेणार? ते विधानपरिषदेवर जाण्यासाठी खरंच इच्छुक आहेत का? यावर पुढील गणित ठरणार आहेत. दरम्यान, अशातच खासदार सुप्रिया सुळे यांनी त्यांच्या राष्ट्रवादीची भूमिका स्पष्ट केली आहे. त्या नेमकं काय म्हणाल्या? जाणून घेऊयात.. 

हेही वाचा : महाराष्ट्र : पैसा, प्लॉट अन् घर गेलं, आईची आत्महत्या, शहीदपुत्राची कहाणी, नोकरीसाठी 2 कोटींची फसवणूक

सुप्रिया सुळे यांची फेसबुक पोस्ट जशीच्या तशी 

"महाराष्ट्रात विधानपरिषदेची निवडणूक होऊ घातलेली आहे. ही निवडणूक राज्याचे माजी मुख्यमंत्री मा. उद्धवजी ठाकरे यांनीच लढावी अशी राष्ट्रवादी काँग्रेस पार्टी शरदचंद्र पवार पक्षाची आग्रहाची विनंती आहे. उद्धवजी हे राज्यातील ज्येष्ठ व अनुभवी नेते आहेत. त्यांच्या अनुभवाचा राज्याला तसेच सभागृहाला सदैव फायदाच होत राहील, असा आम्हा सर्वांना विश्वास आहे. उद्धवजींनी या मागणीचा सकारात्मक विचार करावा ही नम्र विनंती", असं सुप्रिया सुळे यांनी त्यांच्या पोस्टमध्ये नमूद केलंय. 

इतर महत्त्वाच्या बातम्या 

नवऱ्याची बायकोच्या चारित्र्यावर शंका, धडापासून मुंडकं केलं वेगळं अन् गावभर फिरला... पतीत सैतान जागा झाला