बेस्ट निवडणुकीत ठाकरे ब्रँड फेल.. साधा भोपळाही फोडला नाही, महापालिका निवडणुकीआधी ठाकरे बंधूंना मोठा झटका

हे ही वाचा : मुंबईकरांची दाणादाण, 'या' भागांमध्ये गुडघाभर पाणी, अंधेरीतील सबवे बंद, धडकी भरवणारा पाऊस 

ठाकरेंचा महायुतीवर सुफडासाफ 

या निवडणुकीत ठाकरे बंधूंनी उत्कर्ष हे संयुक्त पॅनेल रिंगणात उतरवले होते. तर त्यांच्या विरोधात आमदार प्रवीण दरेकर आणि प्रसाद लाड यांच्या श्रमिक उत्कर्ष सभेसह, मंत्री नितेश राणे यांच्या समर्थ बेस्ट पॅनेल संघटनेनंही आपलं पॅनेल उभं केलं होतं. प्रचारादरम्यान, ही निवडणूक ठाकरे बंधु आणि प्रसाद लाड यांच्यातच रंगल्याचं दिसून आलं. या निवडणुकीत ठाकरे बंधूंना एकाही जागेवर निवडणूक जिंकता आली नसल्याचं चित्र आता समोर आलं आहे.

दुसरीकडे बेस्ट युनियनचे नेते शशांक राव यांच्या सर्वाधिक 14 जागा निवडून आल्या आहेत. तर भाजपप्रणित पॅनलच्या 7 जागा निवडून आल्या आहेत. तर ठाकरे बंधूंच्या उत्कर्ष पॅनलला भोपळाही फोडता आलेला नाही. 

• शशांक राव पॅनल - १४
• प्रसाद लाड पॅनल - ०७
• मनसे - शिवसेना - ००

नऊ वर्षानंतर निवडणूक 

ही बेस्ट कामगारांच्या पतपेढीची पंचवार्षिक निवडणूक तब्बल नऊ वर्षांनंतर पार पडली. याच पंचवार्षिक निवडणुकीचा निकाल लागण्याआधीच शिवसेना (UBT) कार्यकर्त्यांनी सोशल मीडियावर पोस्ट शेअर करत जल्लोष केला होता. हा निकाल 19 ऑगस्ट रोजी सकाळी 9 पासून सायंकाळी 5 वाजेच्यादरम्यान जाहीर करण्यात येणार असं सांगितलं होतं. परंतु, पावसामुळे मतमोजणीत काही प्रमाणात तांत्रिक अडथळा निर्माण झाल्यानं निकालाला काही तास विलंब झाला. 

हे ही वाचा : वासनेनं भरली होती महिला, नवऱ्याला सोडून जावयासह भाऊजीशी ठेवले प्रेमसंबंध, पतीला कांड समजताच..

मात्र, काहींना निकालापूर्वीच सोशल मीडियाद्वारे विजयाची घोषणाबाजी केली. दरम्यान ही निवडणूक बेस्ट उपक्रमांच्या सर्व आगारांमध्ये तसेच बेस्टच्या विविध कार्यालयातील  35 केंद्रांवर पार पडली. याच निवडणुकीत ठाकरे ब्रँडला म्हणावी अशी कामगिरी करता आली नाही.