‘दोन शून्यां’ची बेरीज केली आणि त्यावर कितीही शून्ये जोडली तरी..' भाजप नेत्यानं ठाकरेंना डिवचलं

केशव उपाध्येचं ट्विट जसंच्या तसं  

एकाकडे गमावण्यासाठी काही राहिलेले नाही आणि दुसऱ्याकडे कमावण्यासाठी काही राहिलेले नाही, अशा ‘दोन शून्यां’ची बेरीज केली आणि त्यावर कितीही शून्ये जोडली तरी त्या गणिताचे उत्तर शून्यच येते, हे शाळा न शिकलेल्या मुलांनाही माहीत असलेले उत्तर ओळखले नाही तर काय होईल?…

"त्यांनाच त्यांची किंमत कळली"

या प्रश्नाचे उत्तर शोधण्यासाठी ‘बेस्ट कामगार पतपेढी’च्या निवडणूक निकालाकडे पाहा! कालपर्यंत दोन शून्ये आपली किंमत जोखण्याचे आव्हान देत होती, आज त्यांनाच त्यांची किंमत कळली आहे!!, असे ट्विट करत त्यांनी ठाकरे बंधूंना डिवचलं आहे.

दरम्यान, 18 ऑगस्ट रोजी सोमवारी निवडणूक पार पडली होती. एकूण 83 टक्के मतदान झाले होते.  त्यानंतर 20 ऑगस्ट रोजी पहाटे बेस्ट निवडणुकीचा निकाल जाहीर करण्यात आला असता,  या निवडणुकीत 21 जागा लढवण्यात आल्या असून एकाही ठिकाणी ठाकरे बंधूंना भोपळा फोडता आला नाही. यामुळे आगामी महापालिका निवडणुकीच्या विजयावर प्रश्चचिन्ह उपस्थित होताना दिसतेय. 

बेस्ट पतपेढी निवडणुकीचा नेमका निकाल काय?