Tokyo Paralympics : भारताकडून पदकांची Hat Trick, थाळीफेक प्रकारात विनोद कुमारला कांस्यपदक

आजच्या दिवशी भाविना पटेलने टेबल टेनिसमध्ये तर निषाद कुमारने उंच उडीत रौप्य पदकाची कमाई केली आहे. विनोद कुमारने १९.९१ मी. लांब थाळी फेकत आशियाई विक्रम मोडीत काढला. परंतू त्याचे हे प्रयत्न पोलंडच्या खेळाडूच्या तुलनेत कमीच पडले ज्यामुळे विनोदला कांस्यपदकावर समाधान मानावं लागलं.

Tokyo Paralympics : निषाद कुमारला उंच उडीत रौप्यपदक, भारताची धडाकेबाज सुरुवात

२०१६ रिओ पॅरालिम्पिक स्पर्धेत भारतीय खेळाडूंनी ४ पदकांची कमाई केली होती. या कामगिरीची बरोबरी करण्यासाठी भारताला आणखी एका पदकाची गरज आहे. महत्वाची गोष्ट म्हणजे National Sports Day च्या निमीत्ताने पॅरालिम्पिक स्पर्धेत भारतीय खेळाडूंनी केलेली ही कामगिरी कौतुकास्पद आहे. या ऐतिहासिक कामगिरीनंतर विनोदचं सर्वच स्तरातून कौतुक होत आहे.

विनोद हा BSF जवान होता. एका अपघातात विनोदला अर्धांगवायूचा झटका आला ज्यामुळे किमान एक दशकापेक्षा जास्त काळ तो अंथरुणाला खिळून होता. परंतू अथम मेहनत, जिद्द आणि परिश्रम या जोरावर विनोद कुमारने पुन्हा एकदा नवीन सुरुवात करत खेळांमध्ये स्वतःचं नाव मोठं केलं. २०१६ सालापासून त्याने सरावाला सुरुवात केली, ज्यानंतर अवघ्या ५ वर्षांच्या प्रयत्नात विनोदने पहिलीच पॅरालिम्पिक स्पर्धा खेळताना कांस्यपदकाची कमाई करत आपल्या झुंजार वृत्तीचं दर्शन घडवलं.

Paralympics: लढवय्या भाविना पटेलला पॅरालॉम्पिक टेबल टेनिसमध्ये रौप्य पदक!