Personal Finance: होम लोन EMI कमी करण्याच्या 3 भन्नाट टिप्स
Home Loan Emi Tips: होम लोन हा दीर्घकालीन आर्थिक निर्णय असला, तरी योग्य नियोजन केल्यास त्याचा भार कमी करता येतो. कमी व्याजदराचा पर्याय निवडणे, नियमित प्री-पेमेंट करणे आणि उत्पन्न वाढल्यानंतर EMIमध्ये वाढ करणे या तीन उपायांमुळे लाखो रुपयांचे व्याज वाचू शकते.
ADVERTISEMENT
Personal Finance tips for Home Loan Emi: स्वतःचं घर घेणं हे अनेकांचं स्वप्न असतं. मात्र, हे स्वप्न पूर्ण करण्यासाठी घेतलेलं होम लोन अनेक वर्षे मासिक बजेटवर मोठा भार टाकतं. वाढते व्याजदर आणि महागाईमुळे अनेक कुटुंबांचा मोठा हिस्सा दर महिन्याला EMI भरण्यात जातो.
पण काही सोप्या आर्थिक उपायांचा अवलंब केल्यास होम लोनचा EMI कमी करता येऊ शकतो किंवा कर्जाचा कालावधी कमी करून लाखो रुपयांचे व्याजही वाचवता येऊ शकते. आर्थिक तज्ज्ञांनी सुचवलेल्या अशाच तीन महत्त्वाच्या टिप्स जाणून घेऊया.
1. व्याजदर कमी असलेल्या बँकेत होम लोन ट्रान्सफर करा
जर तुम्ही काही वर्षांपूर्वी होम लोन घेतलं असेल, तर तुमच्या कर्जावरील व्याजदर सध्याच्या बाजारातील दरापेक्षा जास्त असण्याची शक्यता आहे. अशा वेळी दुसऱ्या बँकेत किंवा वित्तीय संस्थेकडे बॅलन्स ट्रान्सफर करण्याचा पर्याय फायदेशीर ठरू शकतो.
जर नवीन बँक कमी व्याजदर देत असेल, तर तुमचा EMI कमी होऊ शकतो किंवा त्याच EMI मध्ये कर्जाचा कालावधी कमी करता येतो.
