Personal Finance: बिल्डरकडे नसतील 'ही' कागदपत्रं तर अजिबात खरेदी करू नका फ्लॅट!
Flat Purchase Documents: फ्लॅट खरेदी करताना बिल्डरकडून आवश्यक कागदपत्रांची पूर्तता झाली नाही तर वेळीच सावध व्हा. कारण पुरेशी कागदपत्रं नसतील तर त्या इमारतीत फ्लॅट घेणं हे तुमच्यासाठी भविष्यात डोकेदुखी ठरू शकते.
ADVERTISEMENT
Personal Finance tips for Flat Purchase Documents: घर खरेदी करणे हे प्रत्येकाच्या आयुष्यातील मोठे स्वप्न असते. मात्र अनेकदा आकर्षक जाहिराती, सवलतीच्या ऑफर्स किंवा कमी किंमतीच्या मोहात पडून ग्राहक आवश्यक कागदपत्रांची पडताळणी न करता फ्लॅट बुक करतात. यामुळे पुढे मालकी हक्क, बांधकामाची वैधता, ताबा मिळण्यात होणारा विलंब किंवा कायदेशीर वाद अशा अनेक समस्यांना सामोरे जावे लागू शकते.
रिअल इस्टेट क्षेत्रातील तज्ज्ञांच्या मते, बिल्डरकडून फ्लॅट खरेदी करण्यापूर्वी काही महत्त्वाची कागदपत्रे तपासणे अत्यावश्यक आहे. ही कागदपत्रे उपलब्ध नसतील किंवा त्यामध्ये त्रुटी आढळल्यास व्यवहार करण्यापूर्वी अधिक काळजी घेणे गरजेचे आहे.
बिल्डरकडे 'ही' 10 कागदपत्रं असतील तरच खरेदी करा फ्लॅट
1. रेरा (RERA) नोंदणी प्रमाणपत्र
कोणत्याही नवीन गृह प्रकल्पासाठी रेरा नोंदणी आवश्यक असते. प्रकल्प रेरा नोंदणीकृत आहे की नाही, हे संबंधित राज्याच्या रेरा वेबसाइटवर तपासता येते.
