बलात्काराच्या केसमध्ये जेलमध्ये पाठवलं, त्या तरुणासोबतच लग्न करण्याचा तरुणीचा हट्ट, काय घडलं?
gorakhpur crime news : गोरखपूरमध्ये एका तरुणीने ज्या युवकाविरोधात लग्नाचे आमिष दाखवून शारीरिक संबंध ठेवल्याची तक्रार केली होती, त्यालाच दुसऱ्या दिवशी लग्न करण्यासाठी पोलीस ठाण्यात बोलावण्याची मागणी केली. आरोपी जेलमध्ये असल्याचे समजताच तरुणीने पोलीस ठाण्याबाहेर फिनाईल पिऊन आत्महत्येचा प्रयत्न केला.
ADVERTISEMENT
बातम्या हायलाइट
बलात्काराच्या केसमध्ये जेलमध्ये पाठवलं
त्या तरुणासोबतच लग्न करण्याचा तरुणीचा हट्ट, काय घडलं?
उत्तर प्रदेशातील गोरखपूरमधून एक धक्कादायक घटना समोर आली आहे. एका तरुणीने एका युवकाविरोधात लग्नाचे आमिष दाखवून शारीरिक संबंध ठेवल्याची तक्रार दाखल करून त्याला जेलमध्ये पाठवले होते. मात्र त्याच तरुणीने दुसऱ्याच दिवशी त्या युवकासोबत लग्न करण्याची मागणी करत पोलीस ठाण्यात हजेरी लावली. पोलिसांनी आरोपी सध्या जिल्हा कारागृहात असल्याचे सांगितल्यानंतर तरुणीने पोलीस ठाण्याबाहेर फिनाईल पिऊन आत्महत्येचा प्रयत्न केल्याने एकच खळबळ उडाली.
हेही वाचा : MPSC पेपरफुटीचा काळा कारभार, 'ती' अॅकॅडमी अन् किती लाखांत सौदा? रोहित पवारांचा नवा बॉम्ब
युवकाने लग्नाचे आश्वासन देऊन तिच्यासोबत शारीरिक संबंध ठेवल्याचा आरोप
मिळालेल्या माहितीनुसार, गोरखपूरच्या चौरी चौरा पोलीस ठाण्यात संबंधित तरुणीने एका युवकाविरोधात तक्रार नोंदवली होती. युवकाने लग्नाचे आश्वासन देऊन तिच्यासोबत शारीरिक संबंध ठेवल्याचा आरोप तिने केला होता. या तक्रारीच्या आधारे पोलिसांनी गुन्हा दाखल करून आरोपी युवकाला अटक केली आणि त्याला न्यायालयीन प्रक्रियेनंतर जेलमध्ये पाठवण्यात आले.
हेही वाचा : आंदोलनकर्त्या विद्यार्थ्यांवर AK 47 ने गोळीबार, राहुल गांधींकडून व्हिडिओ शेअर