Personal Finance: 50 हजार पगार असणाऱ्यांसाठी कार घेताना ‘एवढाच’ ठेवावा EMI, नाहीतर…
Car Emi Rules: 50 हजार पगार असणाऱ्यांनी कार विकत घेताना दरमहा EMI किती ठेवावा याबाबत नेमकी माहिती जाणून घ्या. ज्यामुळे तुम्हाला आर्थिक नियोजन करणं सोयीस्कर होईल.
ADVERTISEMENT
Personal Finance Tips for Car EMI: आजकाल मध्यमवर्गीय कुटुंबांसाठी कार ही केवळ सुखसोयीची वस्तू न राहता गरज बनली आहे. मात्र, ५० हजार रुपये मासिक पगार असणाऱ्या व्यक्तीने कार घेताना आर्थिक भार किती सहन करावा, याबाबत काळजीपूर्वक विचार करणे आवश्यक आहे. जास्त EMI ने बजेट बिघडू नये आणि इतर खर्च, बचत, emergencies साठी बचत राहावी यासाठी नियमांचे पालन करणे महत्त्वाचे आहे.
EMI साठी सुरक्षित मर्यादा काय?
वित्तीय तज्ज्ञांच्या मते, कार लोन EMI तुमच्या टेक-होम पगाराच्या 15 ते 20% पेक्षा जास्त नसावा. काही जण 25% पर्यंत जाऊ देतात, पण ते जोखमीचे ठरू शकते.
- ५०,००० रुपये पगार: टेक-होम सुमारे ४३,००० ते ४५,००० रुपये (PF, TDS, इतर कपातीनंतर).
- सुरक्षित EMI: ५,००० ते १०,००० रुपये दरमहा.
- **कमाल मर्यादा: १२,००० ते १५,००० रुपये (जर इतर कोणतेही EMI किंवा मोठे खर्च नसतील तर).
