Jalgaon : CM शिंदेंविरोधात बातमी छापली, पत्रकारावर जीवघेणा हल्ला; पहा Video
धुळ्यातील पत्रकार संदीप महाजन यांच्यावर गाडी अडवून हल्ला करण्यात आला. एकनाथ शिंदे यांच्याविरोधात बातमी छापली म्हणून आमदार किशोर पाटील यांनी धमकी दिली होती. त्यानंतर हा हल्ला झाला आहे.
ADVERTISEMENT
– मनीष जोग, जळगाव
Attack on Journalist in Jalgaon : मुख्यमंत्री एकनाथ शिंदे यांच्याविरुद्ध बातमी छापली म्हणून जळगावात पत्रकारावर जीवघेणा हल्ला केल्याची घटना घडली. पत्रकार संदीप महाजन यांच्यावर जळगावमध्ये हल्ला करण्यात आला. गाडीवरून खाली पाडून त्यांना लाथा बुक्क्यांनी बेदम मारहाण करण्यात आली. पाचोऱ्याचे आमदार किशोर पाटील यांनी धमकी दिल्यानंतर ही घटना घडली आहे. या घटनेचा व्हिडीओ व्हायरल झाला आहे. (Shiv Sena MLA Kishore Patil’s activists attacked journalist Sandeep Mahajan)
भडगाव तालुक्यातील गोंडगावमध्ये एका 7 चिमुकलीवर बलात्कार झाला. या घटनेनंतर पत्रकार संदीप महाजन यांनी ‘मुख्यमंत्र्यांची चमकोगिरी’ मथळ्याखाली बातमी प्रसिद्ध केले होते. या बातमीनंतर पत्रकार संदीप महाजन यांना आमदार किशोर पाटील कॉल करून शिवीगाळ केली. तसेच धमकी दिली. त्याचा व्हिडीओही व्हायरल झाला होता.
पत्रकाराला रस्त्यात अडवलं अन्…
9 ऑगस्टला पत्रकार संदीप महाजन हे गाडीवरून जात होते. त्यावेळी त्यांना काही जणांनी अडवले. त्यांना दुचाकीवरून खाली पाडले आणि लाथा बुक्क्यांनी बेदम मारहाण केली. व्हिडीओमध्ये ही सगळी घटना कैद झालीये. मारहाणीनंतर महाजन यांनी आमदार किशोर पाटलांवर आरोप करून त्यांच्याविरोधात पोलिसांत तक्रारही दाखल केलीये.
हे वाचलं का?
