मुंबईतील वृद्ध नागरिकाला 70 लाख रुपयांना गंडा... भामट्यांनी सरकारी अधिकारी असल्याची खोटी ओळख सांगितली अन्...
मुंबईतील परळ परिसरात सायबर भामट्यांनी एका 75 वर्षीय वृद्ध नागरिकाला 70 लाख रुपयांना गंडा घातल्याची बातमी समोर आली आहे.
ADVERTISEMENT
बातम्या हायलाइट
मुंबईतील वृद्ध नागरिकाला 70 लाख रुपयांना गंडा...
सरकारी अधिकारी असल्याची खोटी ओळख सांगितली अन्...
Mumbai Crime: मुंबईतील परळ परिसरात सायबर भामट्यांनी एका 75 वर्षीय वृद्ध नागरिकाला 70 लाख रुपयांना गंडा घातल्याची बातमी समोर आली आहे. काश्मीरमधील पहलगाम येथे झालेल्या दहशतवादी हल्ल्याच्या चौकशीत त्याचं नाव समोर आल्याचा दावा करून आरोपीने त्या ज्येष्ठ नागरिकाची फसवणूक केली. फसवणूक झाल्यानंतर, पीडित व्यक्तीने 28 सप्टेंबर रोजी आरएके मार्ग पोलिस ठाण्यात तक्रार दाखल केल्याची माहिती समोर आली आहे.
आरएके मार्ग पोलिसांकडून मिळालेल्या माहितीनुसार, 25 सप्टेंबर रोजी दुपारी 3:57 वाजता संबंधित वृद्धाला एका महिलेचा फोन आला. त्यावेळी, त्या महिलेने स्वतःची ओळख विनिता शर्मा अशी करून दिली असून ती नवी दिल्लीतील एटीएस नियंत्रण कक्षात अधिकारी असल्याचं तिने सांगितलं. फोनवर त्या महिलेने पीडित व्यक्तीचा मोबाईल नंबर आणि आधार कार्ड संशयास्पद कृत्यांसाठी वापरलं जात होतं, असा दावा केला.
व्हिडीओ कॉलवर धमकी
त्यानंतर लगेचच, पीडित वृद्धाला एक व्हिडिओ कॉल आला. कॉलवर असलेल्या एका व्यक्तीने स्वतःची ओळख आयजी प्रेमकुमार गौतम अशी करून दिली आणि ती व्यक्ती आयपीएस गणवेशात असल्याची तक्रारदाराने माहिती दिली. संबंधित तरुणाने पीडित व्यक्तीला अटक करण्याची, बँक खाती जप्त करण्याची आणि पासपोर्ट ब्लॉक करण्याची धमकी दिली. या डिजिटल अरेस्टच्या भितीमुळे पीडित वृद्ध मानसिकदृष्ट्या अस्वस्थ झाला.
धमकी दिल्यानंतर, आरोपींनी वृद्धाकडून त्याची राजकीय विचारसरणी, उत्पन्न, बँक खाती, मुदत ठेवी, स्टॉक होल्डिंग्ज आणि त्याच्या पत्नीची माहिती अशी वैयक्तिक माहिती मागितली. अशाप्रकारे, आरोपींनी पीडित वृद्धाला आपल्या जाळ्यात अडकवलं. त्यानंतर फसवणूक करणाऱ्यांनी रिझर्व्ह बँकेच्या बनावट नियमांचा आधारे, दावा केला की पीडित व्यक्तीचे पैसे आधी व्हाइट मनी म्हणून प्रमाणित केले जातील. या फसवणुकीला बळी पडून, पीडित व्यक्तीने त्याच्या कष्टाच्या कमाईतील एकूण 70 लाख रुपये तीन वेगवेगळ्या बँक खात्यांमध्ये ट्रान्सफर केले. इतकेच नव्हे तर, पैसे मिळाल्यानंतर, ही फसवणूक करणाऱ्यांनी व्हॉट्सअॅपद्वारे पीडितेला बनावट आरबीआय पावती देखील पाठवली.
हे वाचलं का?
