Mumbai Weather: मुंबईत पावसाची बॅटिंग सुरूच राहणार, ठाणे आणि पालघरमध्ये कसं असलं हवामान?

मुंबईतील हवामान कसं असेल?

मध्यम पावसाची शक्यता असून, काही ठिकाणी गडगडाटासह हलक्या ते मध्यम पावसाच्या सरी पडू शकतात. पावसासोबत वाऱ्याचा वेग 30 ते 40 किमी प्रति तास असण्याची शक्यता आहे. तापमान सुमारे 24 ते 29 अंश सेल्सिअसच्या दरम्यान राहण्याची अपेक्षा आहे, तर आर्द्रता जास्त राहील.

हे ही वाचा>> मुंबईची खबर: आता रात्री सुद्धा दुकाने राहणार खुली! प्रशासनाचा मोठा निर्णय अन् कामगारांना सुट्टी सुद्धा...

ठाण्यातील हवामानाचा अंदाज 

ठाणे जिल्ह्यातही मध्यम पावसाची शक्यता असून, काही ठिकाणी गडगडाट आणि वाऱ्याचा वेग 30-40 किमी प्रति तास असू शकतो. किनारपट्टीवरील भागात वाऱ्याचा प्रभाव जास्त असण्याची शक्यता आहे.

पालघरमध्ये पावसाचा अंदाज

पालघरमध्ये मध्यम पावसासह गडगडाटाची शक्यता असून येथील किनारपट्टी भागात वाऱ्याचा वेग 30-40 किमी प्रति तासापर्यंत पोहोचू शकतो, ज्यामुळे किनारपट्टीवरील भागात सावधगिरी बाळगण्याची गरज आहे.

हे ही वाचा>> बळीराजाचा आनंद गगनात मावेना, कोथिंबिरची पेंडी 170 रुपयांना तर मेथीची 70 रुपयांवर; तुमच्या शहरातील भाव काय?

संभाव्य प्रभाव:

• सखल भागात पाणी साचण्याची शक्यता.
• कमकुवत झाडे उन्मळून पडण्याची शक्यता.
• वीज पडण्याचा धोका, ज्यामुळे बाहेरील ठिकाणी काम करताना काळजी घ्यावी.
• वीजपुरवठा खंडित होण्याची शक्यता.
• शेती आणि फळझाडांना हलक्या प्रमाणात नुकसान होऊ शकते.

खबरदारी आणि सूचना

• वीजा गडगडाटाच्या वेळी उंच झाडांखाली किंवा उघड्या जागी आश्रय घेऊ नका.
• वीजेच्या उपकरणांचे प्लग काढून ठेवा आणि पाण्याच्या स्रोतांपासून दूर राहा.
• प्रवासापूर्वी रस्त्याच्या परिस्थितीची माहिती घ्या आणि वाहतूक सल्ल्यांचे पालन करा.

4 ऑक्टोबरनंतर हवामानात हळूहळू सुधारणा होण्याची शक्यता आहे, जेव्हा मध्यम पावसाची शक्यता कमी होऊन हलक्या सरींचीच शक्यता असेल. मात्र, 6 आणि 7 ऑक्टोबरपर्यंत "नो वॉर्निंग" श्रेणीत असल्याने हवामान सामान्य होण्याची अपेक्षा आहे.