Mumbai: धक्कादायक... मुंबईत मुलांना ओलीस ठेवलेल्या रोहित आर्याचा मृत्यू, पोलिसांनी थेट केला एन्काउंटर
लहान मुलांना ओलीस ठेवणाऱ्या रोहित आर्यावर पोलिसांनी केलेल्या गोळीबारात मृत्यू झाला. त्याला जखमी अवस्थेत रुग्णालयात नेण्यात आले होते. पण डॉक्टरांनी त्याला मृत घोषित केले.
ADVERTISEMENT
मुंबई: मुंबईतील पवई येथील आरए स्टुडिओमध्ये 17 मुलांना ओलीस ठेवणाऱ्या आरोपी रोहित आर्याचा पोलीस चकमकीत मृत्यू झाल्याचं प्राथमिक वृत्त नुकतंच समोर आलं आहे. पोलिसांच्या गोळीबारात त्याला गोळी लागली. ज्यामध्ये तो गंभीर जखमी झाला होता. त्यामुळे त्याला जखमी अवस्थेतच रुग्णालयात नेण्यात आले होते. मात्र, उपचाराआधीच त्याचा मृत्यू झाला होता. त्यामुळे डॉक्टरांनी त्याला मृत घोषित केले. पोलीस आता या घटनेची सखोल चौकशी करत आहेत आणि ऑपरेशनचा अहवाल तयार करत आहेत.
ऑडिशनला बोलावून केलं मुलांचं अपहरण
हे लक्षात घेण्यासारखे आहे की, रोहित आर्याने पवईतील आरए स्टुडिओमध्ये 17 मुलांसह 19 जणांचे अपहरण केले होते. मुलांना ऑडिशनसाठी पवईतील आरए स्टुडिओमध्ये बोलावण्यात आले होते. परंतु तेथे त्यांना ओलीस ठेवण्यात आले. मुलांना ओलीस ठेवल्याची माहिती मुंबई पोलिसांना मिळताच त्यांनी तातडीने कारवाई केली आणि त्यांना सुरक्षितपणे बाहेर काढलं.
पोलीस कारवाईत रोहित आर्याचा मृत्यू
पोलिसांनी पवईतील आरए स्टुडिओमध्ये 17 मुले, एक वृद्ध नागरिक आणि एका नागरिकांना ओलीस ठेवणाऱ्या रोहित आर्याकडे एअरगन आणि काही संशयास्पद रासायनिक पदार्थ असल्याची प्राथमिक माहिती समोर आली आहे. यावेळी पोलिसांनी रोहितवर गोळीबार केला.
80 मुलांना परत पाठवलं
गुरुवारी सकाळी ही घटना सुरू झाली जेव्हा अंदाजे 100 मुले पवईतील आरए स्टुडिओमध्ये अभिनय वर्ग आणि ऑडिशन्ससाठी आली. तिथे काम करणारा आणि युट्यूबर असल्याचा दावा करणारा रोहित आर्या गेल्या चार-पाच दिवसांपासून मुलांचे ऑडिशन्स घेत होता. तथापि, गुरुवारी त्याने 80 मुलांना परत पाठवले आणि 19 मुलांना आत ओलीस ठेवले.
हे वाचलं का?
