‘…अन् PM मोदी RBI गव्हर्नरला म्हणाले, ‘नोटांच्या ढिगाऱ्यावर बसलेला साप’
माजी वित्त सचिव राहिलेल्या सुभाष चंद्र गर्ग यांनी त्यांच्या ‘वुई ऑल्सो मेक पॉलिसी’ पुस्तकात भारतीय रिझर्व्ह बँकेचे (RBI) माजी गव्हर्नर उर्जित पटेल यांच्याबाबत अनेक मोठे खुलासे करण्यात आले आहेत. पंतप्रधान नरेंद्र मोदी यांनी एकदा उर्जित पटेल यांना ‘पैशाच्या ढिगाऱ्यावर बसलेला साप’ म्हटले होते, असे म्हटले होते.
ADVERTISEMENT
Narendra Modi Urjit Patel News in Marathi : माजी वित्त सचिव सुभाष चंद्र गर्ग यांच्या पुस्तकात भारतीय रिझर्व्ह बँकेचे (RBI) माजी गव्हर्नर उर्जित पटेल यांच्याबाबत अनेक मोठे खुलासे करण्यात आले आहेत. पंतप्रधान नरेंद्र मोदी यांनी एकदा उर्जित पटेल यांना ‘पैशाच्या ढिगाऱ्यावर बसलेला साप’ म्हटले होते, असे त्यांनी म्हटले आहे.
गर्ग यांनी ‘वुई ऑल्सो मेक पॉलिसी’ या त्यांच्या आगामी पुस्तकात खुलासा केला आहे की, 14 सप्टेंबर 2018 रोजी झालेल्या आर्थिक आढावा बैठकीत पंतप्रधान मोदींनी उर्जित पटेल यांच्या विरोधात ही टिप्पणी केली होती.
सरकार आणि आरबीआयमध्ये होते तणावपूर्ण संबंध
गर्ग यांच्या या पुस्तकातील काही उतारे वर्तमानपत्रात प्रसिद्ध झाले आहेत. यामध्ये उर्जित पटेल यांच्या राजीनाम्यापर्यंतच्या बैठकी आणि घडामोडींचा तपशील देण्यात आला आहे. हे पुस्तक तत्कालीन सरकार आणि आरबीआय यांच्यातील ताणलेल्या संबंधांवर प्रकाश टाकते. तो ऑक्टोबरमध्ये प्रदर्शित होणार आहे.
पंतप्रधान मोदींनी व्यक्त केली होती नाराजी
पुस्तकानुसार, 14 सप्टेंबर 2018 रोजी झालेल्या बैठकीत पीएम मोदींनी आर्थिक परिस्थितीचा आढावा घेताना निराशा व्यक्त केली होती. सुमारे दोन तास चाललेल्या या बैठकीत उर्जित पटेल यांनी शिफारशी मांडल्या. या शिफारशी सरकारवर केंद्रित होत्या. आरबीआयसाठी सुरू असलेल्या प्रयत्नांव्यतिरिक्त कोणतीही प्रस्तावित कृती नव्हती.
हे वाचलं का?
