दोन मुलींच्या भविष्यासाठी आईची अनवाणी झेप! 47 वर्षीय रमाबाईंनी सगळ्यांना दिला आश्चर्याचा धक्का

रमाबाई रणवीर यांनी अंबाजोगाई शहरात आयोजित करण्यात आलेल्या रनिंग कॉम्पिटिशनमध्ये सहभाग घेतला. विशेष म्हणजे त्यांनी अनवाणी धावत या स्पर्धेत पहिला क्रमांक मिळवला. त्यांच्या या कामगिरीने तरुण धावपटूंनाही मागे टाकत आपल्या जिद्दीची ताकद दाखवून दिली.

हातात चप्पल घेऊन अनवाणी धावल्या

रमाबाई यांच्या धावण्याचा व्हिडिओ समोर आला होता. या व्हिडिओमध्ये त्या हातात चप्पल घेऊन अनवाणी धावताना दिसल्या. साधी राहणी आणि अत्यंत सामान्य परिस्थिती असूनही त्यांनी मॅरेथॉनमध्ये दाखवलेली जिद्द अनेकांसाठी प्रेरणादायी ठरली.

त्यांच्या या संघर्षाची कहाणी Aaj Tak ने दाखवली. त्यानंतर रमाबाई यांनी Aaj Tak चे आभार मानले आहेत.