अहिल्यानगर हादरलं! नातेवाईकाचे तीन अल्पवयीन बहिणींवर लैंगिक अत्याचार, चौथ्या विवाहित बहिणीला देखील सोडलं नाही

हे ही वाचा : 'जयंत पाटील हे राजारामबापू यांची औलाद, काही तरी गडबड... ' गोपीचंद पडळकरांच्या 'त्या' वक्तव्याने शरद पवार गट आक्रमक

नेमकं काय घडलं? 

घडलेल्या घटनेनुसार, पीडित मुलींचे आई-वडील हे एकमेकांपासून वेगळे झाले होते. यामुळे या चारंही मुली निराधार झाल्या होत्या. यामुळे या मुलींचा सांभाळ हा त्यांचे दूरचे नातेवाईक करत होते अशी माहिती समोर आली. सांभाळ करणाऱ्यानेच त्या चारही मुलींवर लैंगिक अत्याचार केले. या प्रकरणी आता राहुरी पोलीस ठाण्यात गुन्हा दाखल करून पोलिसांनी आरोपीसह त्याच्या पत्नीलाही अटक केली आहे. याच प्रकरणात आरोपींना न्यायालयात हजर करण्यात आल्याचं पोलिसांनी सांगितलं.

असा झाला घटनेचा खुलासा

हे प्रकरण एका 'उडान' प्रकल्पाच्या कार्यकर्त्यांनी उघडकीस आणले होते. संबंधित प्रकरणात या कार्यकर्त्यांनी लक्ष घातले आणि आरोपींची राहुरी पोलीस ठाण्यात तक्रार दाखल केली. त्याचमुळे या प्रकरणाचा मोठा खुलासा झाला होता. त्यानंतर राहुरी पोलिसांनी हालचाल करण्यास सुरुवात केली आणि दोघांना अटक करण्यात आली आहे. यानंतर पीडित मुलींची पोलिसांनी मुक्तता केली आहे.

राहुरी तालुक्यातील खळबळजनक घटनेतील पीडित असलेल्या चारही बहिणी एकाच कुटुंबातील आहेत. त्या सर्वचजणी या नाशिक जिल्ह्यातील असल्याचं तपासातून समोर आलं. नराधमाने विवाहित बहिणीचंही लैंगिक शोषण केलं. यानंतर पीडितेवर झालेल्या अत्याचाराची माहिती पतीला दिली होती.