संकेत नवले हा दोन दिवसांपूर्वी आपल्या घरातून काही सांगून बाहेर पडला होता. मात्र, रात्र झाली तरी तो घरी परतला नाही. कुटुंबीयांनी सर्वत्र शोध घेतला; नातेवाईकांकडे विचारपूस केली, परंतु त्याचा कुठेही पत्ता लागला नाही. संकेतचा फोनही लागत नसल्याने कुटुंबीयांची चिंता अधिकच वाढली होती.

हे ही वाचा : पुणे : पतीला सोडून शाहरुखसोबत 2 महिने लिव्ह इनमध्ये राहिली नम्रता, संतापलेल्या नवऱ्याने केला खून

धरणाच्या काठावर कपडे आणि पाण्यात तरंगताना मृतदेह 

संकेतचा शोध घेत असताना बिंदुसरा धरणाच्या काठावर त्याचे कपडे आणि चप्पल आढळून आली होती. यामुळे काहीतरी अघटीत घडल्याची शक्यता ग्रामस्थांनी आणि कुटुंबीयांनी व्यक्त केली होती. त्या दृष्टीने गावकऱ्यांनी आणि प्रशासनाने परिसरात शोध मोहीम तीव्र केली. स्थानिक तरुणांनी आणि प्रशासकीय यंत्रणेने पाण्यात शोध घेण्याचा प्रयत्न केला, मात्र कालपर्यंत यश आले नव्हते. अखेर आज शनिवारी सकाळी संकेतचा मृतदेह तलावाच्या पाण्यात तरंगताना आढळून आला.