कोण होतं नाना पाटेकरांचं पहिलं प्रेम? ‘ते’ उत्तर ऐकून तुमच्याही डोळ्यात येईल टचकन पाणी!

नाना पाटेकर यांना त्यांच्या पहिल्या प्रेमाबद्दल विचारण्यात आलं होतं. हा प्रश्न अभिनेता अनिल कपूर यांनी एका जुन्या मुलाखतीदरम्यान त्यांना विचारला होता. सामान्यतः एखाद्या अभिनेत्याला असा प्रश्न विचारल्यावर अभिनेत्री, प्रेयसी किंवा प्रेमकहाणीचं नाव समोर येण्याची अपेक्षा असते. मात्र नाना पाटेकर यांचं उत्तर ऐकून अनिल कपूरही आश्चर्यचकित झाले.

‘माझं पहिलं प्रेम…’

अनिल कपूर यांनी नाना पाटेकर यांना त्यांच्या टीनएजमधील पहिल्या प्रेमाबद्दल विचारलं. त्यावर नाना पाटेकर यांनी कोणत्याही मुलीचं नाव न घेता थेट ‘जेवण’ हेच आपलं पहिलं प्रेम असल्याचं सांगितलं होतं.

हे उत्तर वरकरणी मजेशीर वाटत असलं, तरी त्यामागे नाना पाटेकर यांच्या संघर्षमय बालपणाची आणि आयुष्याची कहाणी होती. आर्थिक अडचणींचा सामना करत त्यांनी लहान वयातच जीवनातील कठीण वास्तव अनुभवलं होतं. त्यामुळे त्यांच्यासाठी जेवण ही केवळ प्रेमाची गोष्ट नव्हती, तर जगण्यासाठी आवश्यक असलेली मूलभूत गरज होती.