Chandrayaan-3: अन् मोदींना अश्रू अनावर; ISRO च्या शास्त्रज्ञांना म्हणाले, ‘तुमच्यामुळे…’

पाहा ISRO नियंत्रण कक्षात पंतप्रधान मोदी नेमकं काय म्हणाले…

‘माणसाच्या आयुष्यात अनेक वेळा अशा घटना घडतात, ज्यामध्ये अधीरता वरचढ होते. यावेळी माझ्याबाबतीतही तसेच झाले. इथे येण्याची मी केव्हापासून वाट पाहत होतो. मी दक्षिण आफ्रिकेत होतो, नंतर ग्रीसला गेलो. पण माझे मन सदैव तुमच्यासोबत इथेच होते. कधी-कधी वाटतं की मी तुमच्यावर अन्याय करतोय. माझी अधीरता यामुळे तुम्हाला त्रास झाला. तुम्हा सगळ्यांना सकाळी लवकर यावं लागलं. पण मला सारखं वाटत होतं की, तुम्हाला भेटावं तुमचे आभार मानावे अन् नमस्कार करावा.. म्हणून मी आज इथे आलो आहे.’ असं पंतप्रधान मोदी यावेळी म्हणाले.

हे ही वाचा >> ISRO Chandrayaan 3 Pragyan Rover : प्रज्ञानचा ‘मूनवॉक’! चंद्रावर पहिला व्हिडीओ

…अन् पंतप्रधान मोदींना अश्रू अनावर!

‘भारतात येताच मला लवकरात लवकर तुमचं दर्शन घ्यायचं होतं. तुम्हा सर्वांना सलाम करावासा वाटला. तुमच्या मेहनतीला सलाम… सलाम तुमच्या जिद्दीला…’ या वाक्यानंतरच पंतप्रधान मोदींचे डोळेही पाण्याने भरून आले आणि त्यांना प्रचंड गहिवरून आलं. आपले अश्रू काहीसे रोखत ते पुढे म्हणाले, ‘तुम्ही देशाला ज्या उंचीवर नेले आहे ती काही सामान्य गोष्ट नाही. जिथे कोणीच पोहोचलं नाही तिथे आपण पोहोचलो आहोत. जे आजवर कोणी केलं नव्हतं ते आपण केलं. हा आजचा भारत आहे. निर्भय आणि लढणारा भारत. नवा विचार करणारा हा भारत आहे.’

’21व्या शतकातील जगातील सर्वात मोठ्या समस्या आपण सोडवू. 23 ऑगस्टचा तो दिवस… तो प्रत्येक सेकंद पुन्हा पुन्हा माझ्या डोळ्यासमोर येतोय.. लँडर चंद्रावर उतरताच केली. इस्रोच्या केंद्रापासून देशभरात लोकांनी जो जल्लोष केला ते दृश्य कोण विसरू शकेल. काही आठवणी अजरामर होतात. तो क्षण अजरामर झाला. तो क्षण या शतकासाठी प्रेरणादायी ठरला आहे.’ असं पंतप्रधान मोदी म्हणाले..

Interacting with our @isro scientists in Bengaluru. The success of Chandrayaan-3 mission is an extraordinary moment in the history of India’s space programme. https://t.co/PHUY3DQuzb

— Narendra Modi (@narendramodi) August 26, 2023

‘मी ते फोटो पाहिले आहेत, ज्यात चांद्रयान-3 च्या लँडरने अंगदप्रमाणे आपला पाय रोवला आहे. एका बाजूला विक्रमचा विश्वास आहे. तर दुसऱ्या बाजूला प्रज्ञानचा पराक्रम आहे. मानव सभ्यतेत प्रथमच माणूस त्या जागेचे चित्र स्वतःच्या डोळ्यांनी पाहत आहे. हे चित्र जगाला दाखवण्याचे काम भारताने केले आहे. तुम्ही सर्व शास्त्रज्ञांनी हे केले आहे. आज संपूर्ण जगाने आपल्या शास्त्रज्ञांचे, तंत्रज्ञानाचे आणिscientific temperament कर्तृत्व मान्य केलं आहे.’

‘शिवशक्ती’ अन् ‘तिरंग पॉईंट’… पंतप्रधान मोदींनी दिली ही नावं..

‘हेच आता चंद्राचे रहस्य उघडेल, यासोबतच पृथ्वीवरील प्रश्न सोडवण्यासही मदत होणार आहे. या यशाबद्दल मी मिशनच्या संपूर्ण टीमचे अभिनंदन करतो. माझ्या परिवारजनों, तुम्हाला माहीत आहे की, विशेष मिशनला टच डाउन नाव देण्याची परंपरा आहे. चंद्राच्या ज्या भागावर चंद्र उतरला आहे त्या भागाचे नाव भारताने ठरवले आहे. जिथे लँडर उतरले आहे, तो बिंदू ‘शिवशक्ती’ म्हणून ओळखला जाईल.’

हे ही वाचा >> INDIA@ 100: Metaverse.. भारतासाठी महासत्तेचा पासवर्ड!

आणखी एक नामकरण प्रदीर्घ काळापासून प्रलंबित आहे. चार वर्षांपूर्वी जेव्हा चांद्रयान-2 चंद्राजवळ पोहोचले होते. जिथे त्याच्या पावलांचे ठसे पडले होते. तेव्हा असं ठरलं होतं की, त्या ठिकाणाला नाव दिलं जाईल. पण ती परिस्थिती बघता आम्ही ठरवलं होतं की, चांद्रयान-3 यशस्वीरीत्या पोहोचेल, तेव्हाच आम्ही दोन्ही चांद्रयान मोहिमांना नावं देऊ. आज जेव्हा प्रत्येक घरात तिरंगा आहे. त्यामुळे ज्या ठिकाणी चांद्रयान-2 चं पाऊल पडलं होतं, त्या जागेला आता तिरंगा पॉइंट म्हटले जाईल. तर चांद्रयान-3 चे विक्रम लँडर ज्या ठिकाणी पोहोचलं, त्या जागेला आजपासून ‘शिवशक्ती’ म्हटले जाईल.’ अशी घोषणा पंतप्रधान मोदींनी यावेळी केली.

‘तुम्ही मेक इन इंडियाला आज चंद्रावर नेले..’

‘प्रबळ इच्छाशक्ती असेल तर यश मिळतेच. आज भारत हा चंद्राच्या पृष्ठभागाला स्पर्श करणारा जगातील चौथा देश बनला आहे. भारताचा प्रवास कुठून सुरू झाला हे पाहिल्यावर हे यश आणखी मोठे होते. एकेकाळी भारताकडे आवश्यक तंत्रज्ञान नव्हते. तिसऱ्या जगात म्हणजेच तिसऱ्या रांगेत उभ्या असलेल्या लोकांमध्ये आपली गणना व्हायची. पण तिथून बाहेर पडून आज भारत जगातील पाचवी सर्वात मोठी अर्थव्यवस्था बनला आहे. आज भारताची गणना पहिल्या रांगेत होते. या प्रवासात इस्रोसारख्या संस्थांचा मोठा वाटा आहे. तुम्ही मेक इन इंडियाला आज चंद्रावर नेले आहे.’ असं म्हणत पंतप्रधान मोदींनी इस्त्रोच्या सर्व शास्त्रज्ञांचं कौतुक केलं.