छत्रपती संभाजीनगर : ट्रॅफिक पोलिसाच्या अंगावर रिक्षा घातली, अन् नंतर फरफटत नेलं; पाहा व्हिडीओ

घटनास्थळावरून मिळालेल्या माहितीनुसार, युसुफ मोहम्मद अली अन्सारी नावाच्या ऑटोचालकाने प्रथम टाकसाले यांना उडवले. त्यानंतर दुसऱ्यांदा जाणीवपूर्वक ऑटो चढवण्याचा प्रयत्न केला. या गोंधळात अमलदार टाकसाले ऑटोच्या खाली अडकले. काही अंतरापर्यंत त्यांना फरफटत नेलं असून चालकाने रिक्षा थांबवली देखील नाही. मात्र, अशा परिस्थिती स्वतःला बाहेर काढण्यात ट्रॅफिक पोलिसाने यश मिळवले. त्या वेळी ऑटोमध्ये काही प्रवासीही उपस्थित होते, त्यामुळे त्यांच्या जीवितालाही धोका निर्माण झाला होता.

हेही वाचा : गौरी पालवेचा अंत्यविधी अनंत गर्जेच्या घरासमोर करण्यासाठी सरण आणलं, नातेवाईकांमध्ये वादावादी, पोलिसांनी तळ ठोकला

दरम्यान, अपघात घडताच आरोपी ऑटोचालक वाहनासह पळून गेला. पोलिसांनी तात्काळ परिसरातील सीसीटीव्ही फुटेज तपासले. त्यात ही संपूर्ण घटना स्पष्टपणे कैद झाली असून सोशल मीडियावर हा व्हिडिओ वेगाने व्हायरल होत आहे. पोलिस कर्मचाऱ्याला धडक देणारा ऑटो आणि चालक ओळखल्यानंतर वेदांतनगर पोलिसांनी तत्काळ गुन्हा दाखल केला.