Shortage Of Condom : देशात कंडोमचा तुटवडा, कुटुंब नियोजन कार्यक्रमाच काय होणार?
सेंट्रल मेडिकल सर्व्हिसेस सोसायटी (CMSS) वेळेवर गर्भनिरोधक पुरवण्यात अपयशी ठरली आहे. त्यामुळे देशात कंडोमचा तुटवडा पडणार आहे, आणि याचा थेट परिणाम कुटूंब नियोजन कार्यक्रमावर होणार असल्याची शक्यता आहे.
ADVERTISEMENT
Shortage Of Condom : देशात येत्या काळात कंडोमचा तुटवडा भासण्याची शक्यता आहे. कारण केंद्रीय खरेदी एजन्सी, सेंट्रल मेडिकल सर्व्हिसेस सोसायटी (CMSS) वेळेवर गर्भनिरोधक पुरवण्यात अपयशी ठरली आहे. त्यामुळे देशात कंडोमचा तुटवडा पडणार आहे, आणि याचा थेट परिणाम कुटूंब नियोजन कार्यक्रमावर होणार असल्याची शक्यता आहे. दरम्यान केंद्रीय आरोग्य मंत्रालयाने कंडोम तुटवड्याचा दावा फेटाळून लावला आहे. त्यामुळे नेमकं हे प्रकरण काय आहे. हे जाणून घेऊयात. (condom shortage in india media report
union ministry of health tells the truth)
कंडोम ब्रँड ‘निरोध’ बनवणारी कंपनी ऑल इंडिया कंडोम मॅन्युफॅक्चरर्स असोसिएशनने सरकारला पत्र लिहून याबाबतची माहिती दिली होती. नवी दिल्ली स्थित असलेल्या CMSS ही स्वायत्त संस्था केंद्रीय आरोग्य आणि कुटुंब कल्याण मंत्रालयाच्या अंतर्गत येते. केंद्रीय खरेदी एजन्सी राष्ट्रीय कुटुंब नियोजन कार्यक्रम आणि राष्ट्रीय एड्स नियंत्रण कार्यक्रमासाठी कंडोम खरेदी करते. हीच CMSS संस्था वेळेवर गर्भनिरोधक पुरवण्यात अपयशी ठरली आहे. त्यामुळे देशात कंडोमचा तुटवडा पडणार असल्याचे वृत्त आहे.
हे ही वाचा : Rajasthan CM : राजस्थानात वसुंधरा ‘राज’ नाहीच! भजनलाल शर्मा नवे मुख्यमंत्री
कुटुंब नियोजनाच्या गरजा पुर्ण होणार
CMSS ने मे 2023 मध्ये कुटुंब नियोजन कार्यक्रमासाठी 5.88 कोटी कंडोम खरेदी केले आहेत. सरकारकडे सध्या उपलब्ध असलेल्या कंडोमची संख्या कुटुंब नियोजन कार्यक्रमाच्या गरजा पूर्ण करण्यासाठी पुरेशी असल्याचे सांगितले आहे. तसेच सध्या, NACO (नॅशनल एड्स कंट्रोल ऑर्गनायझेशन) M/S HLL Lifecare लिमिटेड कंपनीकडून 75% मोफत कंडोम पुरवठा होत आहे आणि CMSS 2023-24 साठी उर्वरित 25% कंडोम नुकत्याच मिळालेल्या मंजुरीच्या आधारे पुरवणार आहे.
M/S HLL Lifecare Limited ने NACO साठी 6.6 कोटी कंडोम दान केले आहेत. कंडोमची ही संख्या सध्याच्या सर्व गरजा पूर्ण करण्यासाठी पुरेशी आहे. तसेच, CMSS च्या खरेदीला विलंब झाल्यामुळे कंडोमचा तुटवडा जाणवणार नाही.CMSS ने चालू आर्थिक वर्षात कंडोम खरेदीसाठी आधीच निविदा जारी केल्या आहेत आणि निविदांचे काम अंतिम टप्प्यात आहे.
हे वाचलं का?
