TESLA : PM मोदींची न्यूयॉर्कमध्ये भेट घेतल्यानंतर एलन मस्क यांची मोठी घोषणा
एलन मस्क यांनी सांगितले की, “कंपनी नजीकच्या काळात भारतात गुंतवणूक करणार आहे, जी भारताच्या विकासासाठी महत्त्वाची ठरेल.”
ADVERTISEMENT
Elon Musk Narendra Modi meet : पंतप्रधान नरेंद्र मोदी अमेरिका दौऱ्यावर असून मंगळवारी (20 जून) त्यांनी टेस्लाचे सीईओ एलन मस्क यांची भेट घेतली. या भेटी दरम्यान जगातील सर्वात मोठी इलेक्ट्रिक कार निर्माती कंपनी असलेल्या टेस्लाच्या भारतात येण्याबद्दलही चर्चा झाली. बैठकीनंतर टेस्लाचे सीईओ एलन मस्क यांनी भारतीय बाजारपेठेत टेस्लाच्या भारतात येण्याबद्दल मोठं विधान केलं. न्यूयॉर्कमधील पॅलेस हॉटेलमध्ये एलन मस्क यांनी सांगितले की, “कंपनी नजीकच्या काळात भारतात गुंतवणूक करणार आहे, जी भारताच्या विकासासाठी महत्त्वाची ठरेल.”
एलन मस्क यांनी पंतप्रधान मोदींची भेट घेतल्यानंतर भारतात गुंतवणूक करण्याच्या योजनेला दुजोरा देताना सांगितले की, मी स्वत: पुढच्या वर्षी भारत भेटीवर येण्याचा कार्यक्रम तयार करत आहे आणि टेस्लाही भारतात पाऊल ठेवेल असा विश्वास आहे. मस्क म्हणाले की, “पंतप्रधानांच्या पाठिंब्याबद्दल मी त्यांचे आभार मानू इच्छितो आणि आशा करतो की नजीकच्या भविष्यात आम्ही काहीतरी जाहीर करू. भारतासोबत असलेल्या आमच्या संबंधांच्या दृष्टिने ही एक महत्त्वाची गुंतवणूक असेल.”
पंतप्रधान नरेंद्र मोदींचे केलं कौतुक
एलन मस्क यांनी पंतप्रधान मोदींचे कौतुक करताना म्हटले की, “त्यांना भारताची खरोखर काळजी आहे. मी मोदींचा चाहता आहे.” टेस्लाचे सीईओ मस्क यांच्यासोबत झालेल्या भेटीबाबत पंतप्रधान मोदींनीही ट्विट केले.
हे वाचलं का?
ADVERTISEMENT
हेही वाचा >> Lok Sabha : भाजपचं मिशन-80 काय?; खासदारांना फॉर्ममधून द्यावा लागणार हिशोब
“आज तुमच्यासोबतची भेट खूप छान होती.” यावर इलन मस्क यांनी पीएम मोदींशी संवाद साधल्यानंतर सांगितले की, “तुम्हाला पुन्हा भेटणे ही खूप सन्मानाची गोष्ट आहे.”
लवकरच मोठी घोषणा होऊ शकते
इंडिया टुडेला दिलेल्या मुलाखतीत, जगातील सर्वात श्रीमंत व्यक्ती इलन मस्क म्हणाले की, “लवकरच आम्ही भारतात गुंतवणुकीची महत्त्वपूर्ण आणि मोठी घोषणा करू अशी अपेक्षा आहे. पंतप्रधान मोदींना खरोखरच भारताची काळजी आहे, कारण ते आम्हाला भारतात महत्त्वपूर्ण गुंतवणूक करण्यासासाठी प्रोत्साहीत करत आहेत.”
ADVERTISEMENT
मैं भारत के भविष्य को लेकर अविश्वसनीय रूप से उत्साहित हूं। भारत में दुनिया के किसी भी बड़े देश की तुलना में अधिक संभावनाएं हैं। वे (प्रधानमंत्री मोदी) वास्तव में भारत की परवाह करते हैं क्योंकि वह हमें भारत में महत्वपूर्ण निवेश करने के लिए प्रेरित कर रहे हैं। मैं मोदी का प्रशंसक… pic.twitter.com/h21KFSLHfJ
— ANI_HindiNews (@AHindinews) June 20, 2023
ADVERTISEMENT
टेस्लाचा प्रवेश हा भारतासाठी महत्त्वाचा
टेस्लाने भारतात गुंतवणूक करण्याबद्दल दिलेले संकेत हे भारताच्या दृष्टीने खूप मोठी आणि महत्त्वाची बाब आहे. कारण सर्वात मोठी इलेक्ट्रिक कार निर्माती कंपनी यापूर्वी कोणतीही गुंतवणूक करण्यास टाळाटाळ करत होती. अॅपलचे सीईओ टिम कुक यांनी नुकत्याच केलेल्या घोषणेनंतर ही दुसरी मोठी घोषणा आहे. ऍपलचे सीईओ म्हणाले होते की, “भारतात त्यांचे उत्पादन वाढवण्याच्या प्रयत्नांना वेग देतील.”
Video : आमदार गीता जैन यांनी अभियंत्याच्या श्रीमुखात भडकावली, नेमकं काय घडलं?
टेस्लाच्या समभागांनी घेतली उसळी
मंगळवारी इलन मस्क आणि पंतप्रधान नरेंद्र मोदी यांची न्यूयॉर्कमधील पॅलेस हॉटेलमध्ये झालेली बैठक आणि सीईओ मस्क यांनी भारतात गुंतवणुकीची केलेली घोषणा यांचाही कंपनीच्या शेअर्सवर परिणाम झाला. टेस्ला इंकचे शेअर्स 5.34 टक्क्यांच्या उसळीसह बंद झाले. टेस्ला शेअर्समधील या मजबूत वाढीमुळे, एलोन मस्क नेट वर्थ $ 9.95 बिलियन पेक्षा जास्त म्हणजे एका दिवसात सुमारे 81,000 कोटी रुपयांनी वाढली आणि ती $ 243 अब्ज झाली.
ADVERTISEMENT