Gold Rate: 'वाढीव तुमचा ह्यो कारभार...'; सोन्याने तर केलंय मार्केट जाम! पाहिलेत का आजचे 1 तोळ्याचे भाव?

सोन्या-चांदीच्या दरांमध्ये रोज बदल होत असतात. कधी सोन्या-चांदीच्या दरात वाढ होते तर कधी घसरण पाहायला मिळते. आगामी काळात सोन्याच्या दरात आणखी वाढ होण्याची भीती असल्याने सोन्याच्या दागिन्यांची मागणी 50 टक्क्यांनी वाढली आहे. 

हेही वाचा : Maharashtra weather: कुठे मुसळधार तर, कुठे दिलासा... राज्यात आज पावसाचा अंदाज काय? 

देशातील मोठ्या शहरांमध्ये 24 कॅरेट सोन्याचा भाव 77,000 रुपयांच्या पुढे व्यापार करत आहे. हा वाढता दर सोने बाजारासाठी एक महत्त्वपूर्ण टप्पा मानला जात आहे. सोन्याच्या किंमतीत होणाऱ्या या वृद्धीचा परिणाम बाजारातील अस्थिरता आणि जागतिक आर्थिक घडामोडींवर दिसून येत आहे.

Goodreturns वेबसाईटनुसार, सोमवारी (30 सप्टेंबर 2024) 24 कॅरेट 10 ग्रॅम (1 तोळा) सोन्याचा भाव 77,240 रूपयांवर पोहोचला होता. पण आज यामध्ये 330 रूपयांनी घट झाली असून याची किंमत 76,910 रूपये झाली आहे. तर, 22 कॅरेट सोन्याचा भाव 70,800 रूपये होता. जो 300 रूपयांनी घसरला असून त्याची किंमत 70,500 रूपये झाली आहे. त्याचबरोबर एक किलो चांदीची किंमत 95,000 रूपयांवर पोहोचली आहे. उत्पादन शुल्क, राज्य कर आणि मेकिंग शुल्कामुळे भारतात सोने-चांदीच्या दागिन्यांच्या किंमती बदलत असतात.