पाच दशके मराठ्यांच्या इतिहासाची सेवा करणारे डॉ. जयसिंगराव पवार काळाच्या पडद्याआड

Historian DR Jaysingrao Pawar Passed Away : महाराष्ट्राच्या इतिहास लेखन परंपरेतील देदीप्यमान तारा निखळला असून, ज्येष्ठ इतिहास संशोधक डॉ. जयसिंगराव पवार यांचे आज (दि.26) पहाटे कोल्हापूर येथे निधन झाले. ते 85 वर्षांचे होते. गेल्या महिन्याभरापासून त्यांच्यावर कोल्हापुरातील ॲस्टर आधार हॉस्पिटलमध्ये उपचार सुरू होते. निमोनियासदृश आजारामुळे त्यांची प्रकृती खालावली होती आणि आज उपचार सुरू असतानाच त्यांची प्राणज्योत मालवली. त्यांच्या जाण्याने शिवकाल आणि मराठा कालखंडाचा सखोल अभ्यास करणारा एक दिग्गज इतिहास संशोधक हरपल्याची भावना व्यक्त होत आहे.