Iran Attacks Israel: अरे बापरे... युद्धाचा भडका उडणार? 'या' देशाने डागले तब्बल 400 मिसाईल्स!
Israel Hezbollah War Live Updates: इराणने अचानक रात्रीच्या सुमारास इस्रायलवर हल्ला चढवला आहे. तब्बल 400 हून अधिक क्षेपणास्त्र ही डागण्यात आली आहेत.
ADVERTISEMENT
तेल-अविव: अमेरिकेच्या इशाऱ्यानंतर इराणने इस्रायलवर हल्ला केला आहे. इराणने 400 हून अधिक क्षेपणास्त्रे डागल्याचे सांगितले जात आहे. इराणने बॅलेस्टिक क्षेपणास्त्राने हल्ला केल्याचे इस्रायलच्या लष्कराने म्हटले आहे. अमेरिकेने या हल्ल्याबाबत आधीच इशारा दिला होता आणि इराणने हल्ला केल्यास त्याचे गंभीर परिणाम भोगावे लागतील, असे म्हटले होते. इराणच्या हल्ल्यात तेल अवीवमध्ये दोन जण घायाळ झाले तर काही जण धावपळीत पडून जखमी झाल्याचे बोलले जात आहे.
दरम्यान, या घटनेने इस्त्रायल आणि इराणमध्ये युद्धाचा भडका होणार का? असा सवाल आता विचारला जात आहे. कारण मागील काही महिन्यांपासून या सगळ्या देशांमध्ये परिस्थिती अत्यंत चिंताजनक असल्याचं दिसून येत आहे.
हे ही वाचा>> Vaibhav Kale: मराठी लष्कर अधिकारी गाझापट्टीत शहीद, कोण होते वैभव काळे?
इस्त्रायलवरील हल्ल्याचे फोटो, व्हिडीओ व्हायरल
या हल्ल्याचे काही फोटो आणि व्हिडीओ हे सोशल मीडियावर व्हायरल होत आहेत. ज्यामध्ये इस्त्रायलने आयर्न डोमच्या मदतीने इराणी क्षेपणास्त्र रोखले आणि बहुतेक इराणी क्षेपणास्त्रे हवेत उध्वस्त केली. इराणला त्याचे परिणाम भोगावे लागतील, असे इस्रायलच्या लष्कराचे प्रवक्ते डॅनियल हगारी यांनी नुकत्याच केलेल्या भाषणात म्हटले आहे. इराणच्या हल्ल्याला इस्त्रायली सैन्य "संरक्षण आणि प्रत्युत्तर देण्यासाठी पूर्णपणे तयार आहे" असे ते म्हणाले, वेळेवर प्रत्युत्तर दिले जाईल.
इस्रायली लष्कराचा इराणला इशारा
इस्रायली लष्कराच्या प्रवक्त्याने इराणच्या हल्ल्याच्या एक तासानंतर सांगितले की हल्ले थांबले आहेत आणि सध्या इराणकडून कोणताही धोका नाही. इस्रायलने एक्स-पोस्टवर शेअर केलेल्या व्हिडिओमध्ये तेल अवीव, जेरुसलेम आणि इतर शहरांवर रॉकेट हल्ले दाखवले आहेत.
हे वाचलं का?
