JN.1 Variant : पहिला मृत्यू, भारतात आढळला कोविडचा नव्या व्हेरिएंट, किती धोकादायक?
jn.1 new covid variant : कोविड पुन्हा एकदा चिंता वाढवण्याची भीती आहे. केरळात कोविडचा नवा विषाणू आढळून आला आहे. या विषाणूच्या संसर्गाचा वेग जास्त असल्याने आरोग्य यंत्रणा सावध झाल्या आहेत. याबद्दल तज्ज्ञांनी महत्त्वाची माहिती दिली.
ADVERTISEMENT
Covid 19 sub variant JN.1 : कोरोनाच्या भयावह आठवणी विस्मृतीत जात असतानाच नव्या व्हेरिएंटने टेन्शन वाढवलं आहे. या विषाणुमुळे देशात पहिला बळीही गेला आहे. कोविडचा नवीन प्रकार भारतात आल्याचे समोर आले आहे. JN.1 विषाणूची पहिली केस केरळमध्ये नोंदवली गेली आहे. केंद्रीय आरोग्य मंत्रालयाने याबाबत माहिती दिली आहे. दुसऱ्या एका केसमध्ये कोरोनाग्रस्त असलेल्या रुग्णाचा मृत्यू झाल्याची बातमीही समोर आली आहे. त्यामुळे केंद्र सरकार सावध झाले आहे.
केंद्रीय आरोग्य मंत्रालय आहे लक्ष ठेवून
या दोन घटना उघडकीस आल्यानंतर केंद्रीय आरोग्य मंत्रालयाकडून राज्यांमधील सर्व आरोग्य सुविधांमध्ये नेहमीप्रमाणे आरोग्य सुविधांची चाचणी करण्यासाठी मॉक ड्रील घेण्यात येत आहेत. केंद्रीय आरोग्य मंत्रालय राज्याच्या आरोग्य अधिकाऱ्यांच्या संपर्कात असून परिस्थितीवर लक्ष ठेवून आहे.
आरोग्यमंत्री दिनेश गुंडू राव यांनी घेतली तातडीची बैठक
केरळमध्ये कोविड पसरण्याच्या भीतीनंतर आरोग्य मंत्री दिनेश गुंडू राव यांनी तातडीची बैठक घेतली. अधिकाऱ्यांना मास्क, ऑक्सिजन सिलिंडर, औषधे आणि इतर जीवनावश्यक वस्तूंचा तुटवडा भासू नये यासाठी तयार राहण्याचे निर्देश देण्यात आले. यासोबतच केरळची सीमा बंद केली जाणार नसल्याचे स्पष्टपणे सांगण्यात आले आहे.
हेही वाचा >> लोकसभेला भाजप किती जागा लढणार? देवेंद्र फडणवीसांनी स्पष्टच सांगितलं
आरोग्य मंत्री दिनेश गुंडू राव म्हणाले की, आम्हाला मॉक ड्रिल करावे लागेल आणि येणाऱ्या परिस्थितीसाठी तयार राहावे लागेल. पुन्हा साथ येऊ घातल्यास, आपण तयार असणे आवश्यक आहे. आम्ही मास्क, ऑक्सिजन सिलेंडर इत्यादींची तयारी केली आहे.
हे वाचलं का?
