पैठण : बापाचा खून करुन मृतदेह घरात पुरला,भोळसर आईला धमकी देऊन गप्प केलं, 8 दिवसांनी उग्र वास अन्..

भोळसर आईला जीवे मारण्याची धमकी देऊन गप्प केलं

अधिकची माहिती अशी की, कडेठाण बुद्रुक येथे कल्याण काळे हे पत्नी आणि दोन मुलांसह राहत होते. राम आणि लक्ष्मण अशी दोन्ही मुलांची नावे असून, दोघेही अविवाहित आहेत. कुटुंबातील वातावरणात राम आणि कल्याण यांच्यात वारंवार वाद होत असत. याच पार्श्वभूमीवर 13 तारखेला दोघांमध्ये पुन्हा भांडण झाले. संतापाच्या भरात रामने तीक्ष्ण हत्याराने वार करून वडिलांचा खून केला. हा संपूर्ण प्रसंग त्यांच्या भोळसर आईच्या डोळ्यांसमोर घडला. घटनेनंतर रामने आईला धमकावत ही माहिती कुणालाही न सांगण्यास सक्त मनाई केली.

हेही वाचा : अनगर: उज्ज्वला थिटेंच्या अर्जानंतर पंडित देशमुख हत्या प्रकरण पुन्हा का आलं चर्चेत? A टू Z स्टोरी

खून लपवण्यासाठी रामने घरातच खड्डा खोदून कल्याण काळे यांचा मृतदेह पुरून टाकला. मात्र काही दिवसांनी परिसरात आणि घरातच प्रचंड दुर्गंधी येऊ लागल्याने कल्याण यांच्या पत्नीची शंका अधिकच वाढली. अखेर आठ दिवसांनी तिने हा प्रकार आपल्या दिराला सांगितला. त्यांनी तात्काळ गावचे सरपंच संभाजी तवार यांना माहिती दिली. तवार यांनीही विलंब न करता पाचोड पोलिसांना याबाबत कळवले.