सातारा : सरकारी अभियंत्याचा अपघात, 3 लाखांची सुपारी, बायकोचा कट
Karad Crime News : कराडमधील अभियंता लक्ष्मण मंडले यांच्या मृत्यूचे प्रकरण धक्कादायक वळणावर पोहोचले आहे. सुरुवातीला अपघात वाटणाऱ्या घटनेमागे कथितपणे पत्नी, प्रियकर आणि साथीदारांनी रचलेला हत्येचा कट असल्याचा पोलिसांचा दावा आहे.
ADVERTISEMENT
बातम्या हायलाइट
सातारा : सरकारी अभियंत्याचा अपघात
3 लाखांची सुपारी, बायकोचा कट
Karad Crime News : कराडमध्ये जलसंपदा विभागात अभियंता म्हणून कार्यरत असलेल्या 54 वर्षीय लक्ष्मण श्रीरंग मंडले यांच्या मृत्यूच्या प्रकरणाने धक्कादायक वळण घेतले आहे. 6 जूनच्या पहाटे मुंबईहून कराडमध्ये परतलेल्या मंडले यांचा रस्ते अपघातात मृत्यू झाल्याचे सुरुवातीला समोर आले होते. पहाटे सुमारे 5.20 वाजता ते बसमधून उतरून घराच्या दिशेने निघाले होते. सुपर मार्केट परिसरात पोहोचताच मागून भरधाव वेगाने आलेल्या एका ऑल्टो कारने त्यांना जोरदार धडक दिली. या धडकेत त्यांचा जागीच मृत्यू झाला. घटनास्थळावरील परिस्थिती पाहता हा एक सामान्य रस्ते अपघात असल्याचे प्रथमदर्शनी वाटत होते. मात्र तपासादरम्यान काही संशयास्पद बाबी समोर आल्याने पोलिसांनी अधिक सखोल चौकशी सुरू केली.
हेही वाचा : Personal Finance: महाराष्ट्रातील टॉप 10 जागा.. 'इथे' फ्लॅट खरेदी केल्यानंतर मिळेल जबरदस्त पैसा!
अनैतिक संबंधातून सरकारी अभियंत्याचा खून
त्यानंतर पोलिसांनी सीसीटीव्ही फुटेज, मोबाईल लोकेशन, फॉरेन्सिक पुरावे आणि डिजिटल ट्रेल यांचा आधार घेत तपासाची दिशा बदलली. या तपासातून समोर आलेल्या माहितीनुसार, मृतकाची पत्नी सारिका मंडले हिचे 2023 पासून प्रथमेश थोरात याच्यासोबत प्रेमसंबंध होते. याच संबंधातून लक्ष्मण मंडले यांना कायमचे मार्गातून दूर करण्याचा कथित कट रचण्यात आल्याचा पोलिसांचा दावा आहे. पोलिसांच्या माहितीनुसार, सारिका मंडले, तिचा प्रियकर प्रथमेश थोरात आणि त्याच्या साथीदारांनी मिळून संपूर्ण योजना आखली होती. या योजनेचा भाग म्हणून एक ऑल्टो कार खरेदी करण्यात आली होती. लक्ष्मण मंडले कराडमध्ये कधी पोहोचणार आणि कोणत्या मार्गाने घरी जाणार याची माहिती आरोपींपर्यंत पोहोचवण्यात आली होती.
हेही वाचा : समजून घ्या: पंतप्रधान नरेंद्र मोदींनी पंडीत नेहरूंचा रेकॉर्ड खरंच मोडला?
