Lalit Patil : 300 कोटींचे ड्रग्ज, दोन महिला; ललित पाटीलची Inside Story
who is lalit patil : महाराष्ट्रात ड्रग्ज केस प्रकरणावरून गदारोळ सुरू आहे. या सगळ्या मागचा म्होरक्या ललित पाटीलला बंगळुरूतून अटक करण्यात आली. त्यामुळे जाणून घ्या कोण आहे ड्रग्ज माफिया ललित पाटीलबद्दल…
ADVERTISEMENT
Lalit Patil Drugs Case : महाराष्ट्रातील राजकारण एका व्यक्तीने तापवलं. विरोधकांनी सरकारला घेरलं, तर सरकारकडून धरपकड सुरू आहे. हा व्यक्ती आहे ड्रग्ज माफिया ललित पाटील. ललित पाटीलला सापळा रचून बंगळुरूतून अटक करण्यात आली. त्याच्यामुळे 16 जण गजाआड गेलेत. त्यामुळे ललित पाटील कोण असा प्रश्न सगळ्यांनाच पडलाय… जाणून घ्या याच ड्रग्ज माफियाबद्दल…
300 कोटी रुपयांच्या ड्रग्ज प्रकरणातील आरोपी ललित पाटील याला पुण्यातील सरकारी रुग्णालयातून पळून जाण्यास मदत केल्याप्रकरणी दोन महिलांसह तिघांना पुणे पोलिसांनी गुरुवारी अटक केली. अटक करण्यात आलेल्या महिला अर्चना निकम आणि प्रज्ञा कांबळे या नाशिकच्या रहिवासी आहेत. दोघींना गुरुवारी न्यायालयात हजर करण्यात आले. न्यायालयाने दोघांना 23 ऑक्टोबरपर्यंत पोलीस कोठडी सुनावली आहे.
याशिवाय साकीनाका पोलिसांनी सचिन रावसाहेब याला मुंबईतून अटक केली. सचिन 2 ऑक्टोबरला हॉस्पिटलमधून पळून गेला, तेव्हा ललित पाटीलसोबत होता असा आरोप त्याच्यावर आहे. दोन्ही महिलांचा ताबा मागताना पोलिसांनी न्यायालयाला सांगितले की, पाटीलला ससून रुग्णालयात दाखल केले असता, दोन्ही महिला भेटून पळून जाण्याचा कट रचत होत्या.
ललित पाटीलला ससून रुग्णालयात का ठेवण्यात आले होते?
या प्रकरणातील मुख्य आरोपी ललित पाटील याला पुणे पोलिसांनी गेल्या वर्षी अटक केली होती, मात्र तो काही महिन्यांपासून टीबीच्या उपचारासाठी ससून रुग्णालयात दाखल होता. तो दवाखान्यातूनच ड्रग्जचा व्यवसाय चालवत होता. तो 2 ऑक्टोबर रोजी ससून रुग्णालयातून फरार झाला होता.
हे वाचलं का?
