Beed Crime, योगेश काशीद : परळीतील दिवंगत व्यापारी महादेव मुंडे यांच्या मुलाला वाल्मिक कराडच्या समर्थकाने मारहाण केल्याचा गंभीर आरोप त्यांच्या कुटुंबियांनी केला आहे. यामुळे बीडमध्ये खळबळ उडाली आहे. 19 फेब्रुवारी रोजी दुपारच्या सुमारास हा प्रकार घडला. बीडच्या परळीतील व्यापारी महादेव मुंडे यांच्या हत्या प्रकरणाला आता दोन वर्षे पूर्ण होऊन गेली आहेत. मात्र त्यांचे आरोपी अद्याप  सापडले नाहीत. त्यामुळे महादेव मुंडे यांचे कुटुंबिय अद्याप दहशतीत वावरत आहेत. दरम्यान, महादेव मुंडे यांच्या पत्नी ज्ञानेश्वरी मुंडे यांनी त्यांना व त्यांच्या कुटुंबियास वाल्मिक कराडच्या मुलांकडून धोका असल्याचे पत्र बीडच्या पोलिस अधीक्षकांना लिहिले आहे.