बारामती विधानसभा पोटनिवडणूकीसाठी पहिल्याच दिवशी तीन उमेदवारी अर्ज दाखल, निवडणूक बिनविरोध होणार का?
बारामती विधानसभेची पोटनिवडणूक 23 एप्रिल रोजी होणार आहे. त्यासाठी अर्ज दाखल करण्याची प्रक्रिया सुरु झाली आहे. पहिल्याच दिवशी तीन उमेदवारी अर्ज दाखल झाले आहेत.
ADVERTISEMENT
बातम्या हायलाइट
बारामती विधानसभा पोटनिवडणूकीसाठी पहिल्याच दिवशी तीन उमेदवारी अर्ज दाखल
निवडणूक बिनविरोध होणार का?
Baramati Vidhansabha Byelection : राज्याचे दिवंगत माजी उपमुख्यमंत्री अजित पवार यांच्या निधनानंतर बारामती विधानसभा मतदारसंघातील जागा रिक्त झाली आहे. यासाठी २३ एप्रिल रोजी निवडणूक होणार आहे. यासाठी अर्ज दाखल करण्याची प्रक्रिया सुरु झाली आहे. अर्ज दाखल करण्याच्या पहिल्याच दिवशी तीन उमेदवारांनी अर्ज दाखल केले. विशेष म्हणजे, या तिघांपैकी एकही उमेदवार बारामती मतदारसंघातील नाही.
यांनी दाखल केला अर्ज
बारामती पोटनिवडणुकीसाठी पहिल्याच दिवशी अर्ज दाखल करणाऱ्यांमध्ये जत तालुक्यातील सतीश कृष्णा कदम यांनी हिंदुस्तान जनता पार्टीकडून, सातारा येथील सागर शरद भिसे यांनी अपक्ष म्हणून, तर सोलापूर जिल्ह्यातील सांगोला येथील राघू घुटुकडे यांनी न्यू राष्ट्रीय समाज पार्टीच्या वतीने उमेदवारी अर्ज दाखल केला आहे.
हे ही वाचा : अकोला : 'तुझ्या मुलीला माझ्याकडे पाठव..' महिला आरोपीकडे पोलिसाची आक्षेपार्ह मागणी; व्हिडिओ व्हायरल
कधी आहे मतमोजणी?
निवडणूक आयोगाने जाहीर केलेल्या कार्यक्रमानुसार, बारामती व राहुरी या दोन विधानसभा मतदारसंघांसाठी 23 एप्रिल 2026 रोजी मतदान होणार असून,4 मे रोजी मतमोजणी पार पडणार आहे. राज्याचे दिवंगत उपमुख्यमंत्री व बारामतीचे आमदार अजित पवार तसेच राहुरीचे आमदार शिवाजी भानुदास कर्डिले यांच्या निधनामुळे या जागा रिक्त झाल्या आहेत.
हे ही वाचा : April Fool नाही बरं... आजपासून बदलणार 8 मोठे नियम, पगारामध्ये तुम्हाला बसणार मोठा धक्का!
अर्ज माघारी घेतले जाणार का?
अजित पवार यांच्या निधनानंतर होत असलेल्या या पोटनिवडणुकीत राष्ट्रवादीकडून राज्याच्या उपमुख्यमंत्री सुनेत्रा पवार या निवडणूक रिंगणात असणार हे निश्चित आहे. त्यांच्याविरोधात उमेदवारी अर्ज माघारी घेण्याच्या दिवसापर्यंत कोणा-कोणाचा अर्ज कायम राहतो, हे पाहणं महत्त्वाचं ठरणार आहे.
