Vegetable seller son CA: डोंबिवलीतील भाजीवाल्या मावशींचा मुलगा झाला CA, देवेंद्र फडणवीसांकडूनही कौतुक!
Dombivli Vegetable seller son CA: डोंबिवलीमध्ये भाजी विक्री करून आपल्या मुलाचं शिक्षण पूर्ण करण्यासाठी झटणाऱ्या आईला मुलाने देखील तेवढंच मोठं सरप्राईज दिलं आहे. थेट सीएची परीक्षा पास होत योगेश ठोंबरेने तरुणांना एक नवा आदर्श घालून दिला आहे.
ADVERTISEMENT
बातम्या हायलाइट
डोंबिवलीमधील तरुणांचं मोठं यश
सीएची परीक्षा पास होऊन डोंबिवलीतील तरुणाने आईचं स्वप्न केलं पूर्ण
भाजी विक्री करुन मुलाला बनवलं सीए
Vegetable seller son CA: डोंबिवली: डोंबिवलीमध्ये एका भाजी विक्रेता महिलेचा मुलगा सीए (CA) झाला. सीए झाल्यावर या मुलांने त्याच्या आईला मारलेली मिठी आणि त्या माऊलीच्या डोळ्यात आलेले आनंदाश्रू या सर्व घटनेचा व्हिडिओ सोशल मीडियावर मोठ्या प्रमाणावर व्हायरल होताना दिसत आहे. हा व्हिडिओ व्हायरल झाल्यावर योगेशवर अभिनंदनचा वर्षाव होत असून ज्या ठिकाणी योगेशची आई भाजी विकते त्या ठिकाणी सुद्धा त्यांचे अभिनंदन करण्यासाठी मोठ्या प्रमाणावर नागरिकांची गर्दी होत आहे. (minister ravindra chavan tribute to ca exam success of vegetable seller woman son dcm devendra fadnavis also praised yogesh thombre)
या घटनेचा व्हिडीओ हा सार्वजनिक मंत्री रवींद्र चव्हाण यांनी सुद्धा या संदर्भात व्हिडिओ ट्विट केला आहे आणि या व्हिडीओवर राज्याचे उपमुख्यमंत्री देवेंद्र फडणवीस यांनी सुद्धा प्रतिक्रिया दिली आहे.
हे ही वाचा>> UPSC निकाल जाहीर, पाहा संपूर्ण टॉपर्सची यादी
जिद्द, कष्ट आणि काहीतरी करून दाखवण्याची हिंमत या सगळ्या गोष्टीमुळे योगेशने सुद्धा आपल्या आईच्या कष्टाचं सार्थक केलं आहे. सोमवारी योगेश सीए झाल्यावर पहिली भेट म्हणून आपल्या आईला साडी गिफ्ट केली आहे. हे सर्व दृश्य पाहून आजूबाजूच्या नागरिकांचे सुद्धा डोळे पाणावले.
योगेश ठोंबरे हा डोंबिवली जवळील खोणी गावामध्ये राहतो. योगेशची आई निरा ठोंबरे या डोंबिवलीतील गांधीनगर परिसरात भाजीचा व्यवसाय करतात. गेल्या 22 ते 25 वर्षांपासून त्या याच ठिकाणी भाजी विकत आहेत. हा व्यवसाय सुरू करण्यासाठी त्यांच्याकडे पैसे सुद्धा नव्हते. त्यावेळेला दोनशे रुपये उसने घेऊन त्यांनी व्यवसायाला सुरुवात केली होती. त्यांच्या याच कष्टाचं चीज आज योगेशने केलं आहे.
हे वाचलं का?
