बापाने 5 स्टार हॉटेलमध्ये 2 मुलींना संपवलं, पत्नीबद्दल होता 'तो' संशय अन्..
बंगळुरूच्या 5-स्टार हॉटेलमध्ये दोन मुलींच्या हत्येप्रकरणी धक्कादायक खुलासा झाला आहे. वडिलांच्या कथित सुसाइड नोटमध्ये पत्नीशी वाद आणि मुलींच्या कस्टडीचा उल्लेख करमण्यात आला आहे.
ADVERTISEMENT
बंगळुरू: कर्नाटकची राजधानी बंगळुरूमध्ये 5-स्टार हॉटेलमध्ये दोन चिमुकल्या मुलींच्या हत्येप्रकरणी तपासादरम्यान धक्कादायक माहिती समोर आली आहे. पोलिसांच्या माहितीनुसार, इमरान नावाच्या व्यक्तीने आपल्या 5 आणि 10 वर्षांच्या मुलींची हॉटेलच्या खोलीत कथितरित्या गळा आवळून हत्या केली. त्यानंतर त्याने स्वतःचेही जीवन संपवण्याचा प्रयत्न केल्याचे समोर आले आहे. सध्या इमरान रुग्णालयात उपचार घेत असून, प्रकृती सुधारल्यानंतर त्याचा जबाब नोंदवला जाणार आहे.
मुलींची हत्या, वडिलांचा आत्महत्येचा प्रयत्न
ही घटना बंगळुरूच्या केम्पेगौडा आंतरराष्ट्रीय विमानतळाजवळील एका आलिशान हॉटेलमध्ये घडली. पोलिसांच्या म्हणण्यानुसार, हॉटेलच्या चौथ्या मजल्यावरील खोलीत इमरानच्या दोन्ही मुली गंभीर अवस्थेत आढळल्या. त्यांची ओळख 5 वर्षीय शेख झेहरा आणि 10 वर्षीय शेख झोया अशी करण्यात आली आहे.
इमरान हा एका खासगी कॅब कंपनीत मॅनेजर म्हणून काम करत होता. घटना समोर आल्यानंतर त्याला रुग्णालयात दाखल करण्यात आले.
मुलीच्या स्कूल नोटबुकमध्ये सुसाइड नोट
या प्रकरणातील सर्वात धक्कादायक बाब म्हणजे पोलिसांना इमरानच्या लहान मुलीच्या स्कूल नोटबुकमध्ये दोन पानांची कथित सुसाइड नोट सापडली आहे. या नोटमध्ये त्याने पत्नीवर विवाहबाह्य संबंध असल्याचा आरोप केल्याचे पोलिस तपासातून समोर आले आहे.