22 मजले, Sea View… मुकेश अंबानींनी कोणाला गिफ्ट केलं 1500 कोटींचं घरं?
मुकेश अंबनी यांनी त्यांचे सर्वात जुने कर्मचारी मनोज मोदी यांना तब्बल 1 हजार 500 कोटी रुपयांचे घर भेट म्हणून दिले आहे.
ADVERTISEMENT
रिलायन्स इंडस्ट्रीजचे प्रमुख मुकेश अंबानी यांनी त्यांच्या कर्मचाऱ्याला दिलेल्या एका गिफ्ट सध्या जोरदार चर्चा सुरु आहे. अंबनी यांनी त्यांचे सर्वात जुने कर्मचारी मनोज मोदी यांना तब्बल 1 हजार 500 कोटी रुपयांचे घर भेट म्हणून दिले आहे. एवढे महागडे गिफ्ट एखाद्या कर्मचाऱ्याला देण्याची भारतातली ही पहिलीच वेळ असल्याच सांगितलं जात आहे. (Mukesh Ambani has gifted his oldest employee Manoj Modi a house worth Rs 1,500 crore)
मनोज मोदी नेमके आहेत तरी कोण?
मनोज मोदी हे मुकेश अंबानींचे उजवा हात मानले जातात. रिलायन्स इंडस्ट्रीजच्या प्रत्येक डीलमध्ये त्यांची महत्त्वाची भूमिका असल्याचे बोलले जाते. मनोज मोदी 1980 मध्ये रिलायन्स इंडस्ट्रीजशी जोडले गेले आणि तेव्हापासून ते कंपनीसोबत आहेत. रिलायन्स जिओ आणि रिलायन्स रिटेलमध्ये संचालकपदाची जबाबदारी सांभाळणारे मनोज मोदी लाइमलाइटपासून कायम दूर राहतात.
मनोज मोदींना भेट दिलेल्या घराची खासियत काय आहे?
फर्निचर इटलीहून आयात केले
अंबानी कुटुंबाने मनोज मोदींसाठी मुंबईतील नेपियन सी रोड या पॉश भागात 22 मजली इमारत खरेदी केली आहे. या घराचे नाव ‘वृंदावन’ असे आहे. 22 मजल्यांची ही इमारत 1.7 लाख चौरस फूट क्षेत्रात पसरली आहे. मॅजिकब्रिक्स डॉट कॉमच्या मते, या इमारतीची किंमत सुमारे 1 हजार 500 कोटींच्या घरात आहे. एका अहवालानुसार, तलाटी अँड पार्टनर्स एलएलपी हे घराचे डिझायनर आहेत. तर घरातील काही फर्निचर इटलीमधून आयात करण्यात आले आहे.
हे वाचलं का?
