'माझी भावकीत अब्रू जाईल...' माजी उपसरपंचाने पूजा गायकवाडला सांगितली 'ती' गोष्टी पण तरीही पूजाने...

मानसिक ताणामुळे गोविंद यांनी 9 सप्टेंबर रोजी वैरागजवळ सासुरे गावात पूजाच्या घरासमोरच चारचाकी गाडीत डोक्यात गोळी झाडून आत्महत्या केली असल्याचाही दावा तक्रारीत करण्यात आला आहे. वैराग पोलिसांनी पूजाला अटक करुन कोर्टात हजर करण्यात आलं. ज्यानंतर कोर्टाने तिला तीन दिवसांची कोठडी सुनावली असून, तिच्या कॉल रेकॉर्ड व व्यवहारांची सखोल चौकशी सुरू आहे.

हे ही वाचा>> माजी उपसरपंचाने पूजाला दाखवला बंगला अन् सगळा खेळ खल्लास! पूजाचा होता 'त्या' बंगल्यावर डोळा, तिच्या नादापायी...

तक्रारीतील मुख्य आरोप

गोविंद यांचे मेहुण्यांच्या फिर्यादीनुसार, गोविंद यांनी गेवराई येथे नुकताच अलिशान बंगला बांधला होता. हा बंगला त्यांचा मित्र चंद्रकांत शिंदे यांच्या उपस्थितीत पूजाला दाखविला. बंगला आवडल्याने पूजाने त्यात दोन दिवस मुक्काम केला आणि ‘हा बंगला माझ्या नावावर करा’ असा तगादा लावला. गोविंद यांनी स्पष्टपणे सांगितले, ‘तुला दुसरे घर घेऊन देतो, पण हा बंगला तुझ्या नावावर करू शकत नाही. ते माझ्या पत्नी व वडिलांना माहित झाले तर भावकीत माझी अब्रू जाईल.’ तरीही पूजाने तगादा सोडला नाही. 

यानंतर 15 दिवसांपूर्वी पूजाने गोविंद यांना फोन करून म्हटले होते की, ‘माझा वाढदिवस 15 सप्टेंबरला आहे. त्यापूर्वी गेवराईचा बंगला माझ्या नावावर करा किंवा सासुरे गावात माझ्या भावाच्या नावावर 5 एकर शेती घेऊन द्या. नाहीतर बोलणार नाही.’ नकार मिळाल्यावर तिने धमकी दिली, ‘मी तुमच्यावर बलात्काराचा खोटा गुन्हा दाखल करीन, तुमची बदनामी करीन.’ यानंतर पूजाने गोविंद यांच्याशी बोलणे बंद केले. या तगाद्याने गोविंद यांच्यावर वारंवार मानसिक त्रास होत होता.

हे ही वाचा>> Pune: 'तू माझ्या वडिलांसोबत शारीरिक संबंध ठेव, कारण मी तर...' हनिमूनला गेलेल्या पतीने पत्नीला सांगितलं 'ते' सत्य

मित्रांसमोरही तक्रार

1 सप्टेंबर 2025 रोजी गोविंद यांनी मित्र चंद्रकांत शिंदे यांच्याशी बोलताना म्हटले, ‘मी पूजाला माझ्या बायकोपेक्षा जास्त जीव लावला. कितीतरी पैसे दिले, सोन्याचे दागिने व फोन घेऊन दिला. एवढे करूनही ती शेतजमीन किंवा बंगला नावावर करण्याची मागणी करत आहे. नाही केले तर बलात्काराचा खोटा गुन्हा दाखल करण्याची धमकी देते.’ हे सर्व तक्रारीत नमूद केले आहे.

पोलीस तपास व कुटुंबाची प्रतिक्रिया

शवविच्छेदन अहवालात ‘फायर आर्म इन्ज्युरी टू हेड’ असा निष्कर्ष असून, प्रथमदर्शनी आत्महत्या वाटते. मात्र, नातेवाईकांनी हत्या असल्याचा संशय व्यक्त केला आहे. गोविंद यांचा भाचा म्हणाला, ‘मामा निर्व्यसनी होते, आत्महत्या करू शकत नाहीत. नर्तकीने ब्लॅकमेलिंग केले.’ पूजाने पोलिसांना संबंध असल्याची कबुली दिली असली तरी, तिच्या इन्स्टाग्रामवर व्हायरल झालेल्या व्हिडिओत ती हातात 500 रुपयांच्या नोट घेऊन बोलताना दिसते, ज्यामुळे सोशल मीडियावर चर्चा सुरू आहे.

वैराग पोलीस निरीक्षक कुंदन गावडे म्हणाले, ‘तक्रारीनुसार तपास सुरू असून, कॉल डिटेल्स व फॉरेन्सिक पुरावे तपासले जात आहेत. आत्महत्या की हत्या, हे स्पष्ट होईल.’