एक पती अन् दोन बायकांची करामत ऐका.. तुमचंही डोकं करेल तडतड तडतड!

विशेष म्हणजे या दोन्ही महिलांच्या वयात दहा वर्षांचा फरक आहे. चोरी करणाऱ्या या महिलांपैकी एक 40 वर्षांची तर दुसरी 30 वर्षांची असल्याची माहिती समोर आली आहे. पोलिसांच्या मते, एकमेकांची सवत असून देखील दोघी योग्य कट रचून एकत्रितपणे चोरी करायच्या. 

रिक्षात बसून करायच्या चोरी...

कोतवारी पोलीस स्टेशनच्या अधिकाऱ्याने दिलेल्या माहितीनुसार, अटक केलेल्या महिलांची नावे सावित्री आणि राजोदेवी त्या दोघी शेर सिंह बावरिया यांच्या पत्नी आहेत. हे माधोसिंहपुरा येथील नीमराना पोलीस स्टेशन परिसरातील अलवर जिल्ह्यातील रहिवासी आहेत. या महिला नियोजित पद्धतीने रिक्षामध्ये घुसून प्रवाशांच्या मौल्यवान वस्तूंची चोरी करायच्या. त्या दोघी इतक्या शिताफिने चोरी करायच्या की कोणालाही याचा अंदाज लागत नव्हता. 

11 एप्रिल 2025 रोजी या घटनेचा खुलासा करण्यात आला. त्यावेळी मंडावाच्या भारू गावाचे रहिवासी रामनिवास मेघवाल यांनी तक्रार दाखल केली होती. तक्रारदार आपल्या पत्नीसोबत झुंझुनूमधील  एका ज्वेलर्सच्या शोरूममधून जवळपास 1 लाख रुपयांचे सोने आणि चांदीचे दागिने खरेदी करून तो रिक्षाने घरी जात होते. गांधी चौकाकडे जात असताना प्रभात टॉकीजजवळ तीन महिला एका रिक्षात चढल्या. थोड्या वेळाने जेव्हा हे जोडपं रिक्षातून उतरले तेव्हा त्यांना त्यांच्या बॅगेची चेन उघडी असलेली दिसली त्यातील दागिने गायब होते.