Pooja Khedkar IAS : पूजा खेडकरांच्या आईच्या अडचणी वाढल्या, पोलिसांनी दाखल केला गुन्हा

पूजा खेडकर यांच्या आईचा एक व्हिडीओ समोर आला. या व्हिडीओत मनोरमा खेडकर या एका शेतात असून, त्यांच्या हातात पिस्तुल आहे. त्या शेतकऱ्यांला धमकावत असल्याचे दिसत आहे. 

मनोरमा खेडकर यांच्यावर आरोप काय?

12 जुलै रोजी मनोरमा खेडकर यांच्याविरुद्ध ही तक्रार देण्यात आलेली आहे. तक्रार देणाऱ्या व्यक्तीचे नाव पंढरीनाथ पासलकर असे आहे. 

पासलकर यांनी तक्रारीत म्हटले आहे की, पुणे जिल्ह्यातील मुळशी तालुक्यातील धडवली येथे सर्व्हे क्रमांक 12/1 आणि 15/1 मध्ये सामाईक जमीन आहे. 2006 मध्ये मनोरमा दिलीप खेडकर यांनी धडवलीमध्ये सर्व्हे क्रमांक 12/1 आणि 15/1 मधील काही जमीन खरेदी केली. पूजा खेडकर यांच्या वतीने मनोरमा खेडकर यांनी ही जमीन खरेी केली होती.

हेही वाचा >> 'त्या' सर्टिफिकेटमुळे IAS पूजा खेडकरची जाणार नोकरी? UPSC मधील नियम काय? 

पुण्यातील शिवाजीनगर दिवाणी न्यायालयात या प्रकरणात दावा दाखल आहे. या जमिनीची रखवालदारी नागू मरघळे यांचे कुटुंबीय करते. ते त्या ठिकाणीच राहायला आहेत. दरम्यान, 4 जून 2023 रोजी दुपारी 1 वाजता समारूती नागू मरगळे हे त्यांच्या कुटुंबासह शेतात असताना  मनोरमा खेडकर, तिचा पती दिलीप खेडकर आणि त्यांच्यासोबतच्या लोकांनी दोन कंटेनर बॉक्स आणले. ते आमच्या शेतात ठेवत असताना मारूती मरगळे यांनी विरोध केला.

हेही वाचा >> महाराष्ट्रात महाविकास आघाडीचं सरकार येणार? भाजपची झोप उडवणारा सर्व्हे 

त्यांनी (मनोरमा खेडकर) मारूती मरगळे आणि त्यांच्या पत्नीला शिवीगाळ केली. दमदाटी आणि धक्काबुक्की केली. त्यांना जीवे मारण्याची धमकी दिली आणि दोन्ही कंटेनर बॉक्स आमच्या शेतात ठेवून निघून गेले. 

5 जून 2023 रोजी मी माझ्या दोन भाचे आणि पुतण्यासह धडवलीला गेलो. मनोरमा खेडकर यांनी ठेवलेले कंटेनर शेतातून काढून टाकले. त्या दिवशी सायंकाळी ४ वाजता मनोरमा खेडकर त्यांच्यासोबत दोन पुरूष, दोन महिला आणि अंबादास खेडकर अशा गुंडांना घेऊन आल्या. 

हातात पिस्तुल धरून घातला वाद

मनोरमा खेडकर गाडीतून उतरल्या. हातात पिस्तुल धरून त्यांनी वाद घातला. माझ्यावर पिस्तुल रोखले. त्या पुन्हा कंटेनर आमच्या शेतात ठेवू लागल्या तेव्हा आम्ही त्यांना विरोध केला. कंटेनर आमच्या शेतात ठेवले तर काढून टाकू असे आम्ही सांगितल्यानंतर त्यांनी पिस्तुल रोखत जीवे मारण्याची धमकी दिली, असे पासलकर यांनी तक्रारीत म्हटले आहे.

हेही वाचा >> "जे आमदार फुटले त्यांची नावे आज...", जितेंद्र आव्हाडांच्या पोस्टने खळबळ 

मनोरमा खेडकर यांनी पिस्तुल दाखवल्याने आणि त्यांच्यासोबत लोक आणल्याने आम्ही घाबरून गेलो होतो. पण, १२ जुलै रोजी टीव्हीवर मनोरमा खेडकर यांचा व्हिडीओ बघितल्यानंतर तक्रार देत आहे. 

पोलिसांनी कुणावर दाखल केला गुन्हा?

मनोरमा खेडकर, दिलीप खेडकर, अंबादास खेडकर, त्यांच्यासोबत आलेले दोन पुरूष, दोन महिला आणि इतर गुंड यांच्याविरुद्ध पोलिसांनी भारतीय दंड संहिता ३२३, ५०४,५०६, १४३, १४४, १४७, १४८, १४९, शस्त्र अधिनियम ३, शस्त्र अधिनियम २५ अन्वये गुन्हा दाखल केला आहे.