उत्सव कालसुसंगत पद्धतीने साजरे व्हावेत

सध्याच्या बदलत्या जीवनशैलीनुसार आणि आयटी हब झालेल्या पुण्यामध्ये ध्वनी प्रदूषणामुळे नागरिकांना होणारा त्रास टाळण्यासाठी उत्सव कालसुसंगत पद्धतीने साजरे झाले पाहिजेत, असे बापट यांचे म्हणणे आहे. सार्वजनिक ठिकाणांऐवजी बंदिस्त सभागृहांमध्ये किंवा नियमानुसार हे उत्सव व्हावेत, जेणेकरून इतरांच्या अधिकारांवर व शांततेवर गदा येणार नाही. सोलापूर आणि नागपूरसारख्या शहरांमध्ये डीजेवर बंदी आणली जाऊ शकते, तर मग पुणेकरांनीही या विकृतीचे समर्थन न करता सुधारणा करायला हवी, अशी भूमिका त्यांनी घेतली आहे.

हे ही वाचा : पुणे मेट्रो : विद्यानंद बापटांनी दिलेली FIR पहिल्यांदाच महाराष्ट्रासमोर

अन्य व्यवसायांत पुनर्वसन शक्य

या भूमिकेवर काहींनी त्यांच्या नास्तिक असण्याचा मुद्दा पुढे करत आक्षेप घेतला, तर काहींनी या व्यवसायावर अवलंबून असलेल्या लोकांच्या रोजगाराचा मुद्दा उपस्थित केला. यावर उत्तर देताना बापट यांनी स्पष्ट केले की, हे मुद्दे धार्मिक स्वातंत्र्याचे नसून नागरिकांच्या जगण्याच्या आणि गोपनीयतेच्या अधिकाराचे आहेत. तसेच, मॅन्युअल स्कॅव्हेंजिंग किंवा इतर जुन्या प्रथा बंद करताना जसे लोकांचे पुनर्वसन केले गेले, तसेच या क्षेत्रातही योग्य बदल करून लोकांचे अन्य व्यवसायांत पुनर्वसन करणे शक्य आहे, असे त्यांनी नमूद केले.

हे ही वाचा : Personal Finance: घरात 'एवढे' पैसे रोख ठेवले तर वर्षभरात किती नुकसान? जाणून घ्या पैशांचा खरा हिशोब

'बलप्रयोग करणाऱ्यांना भीत नाही'

काल झालेल्या हल्ल्यामुळे आपल्या निश्चयात कोणताही फरक पडला नसून, तार्किक प्रतिवाद न करता अशा प्रकारे बलप्रयोग करणाऱ्यांना ते भीत नसल्याचे त्यांनी स्पष्ट केले. या चळवळीला आता हळूहळू संघटित स्वरूप येत असून, विविध स्तरांतून नागरिक व सामाजिक कार्यकर्ते त्यांना पाठिंबा देत आहेत. भविष्यात या मागणीला अधिक व्यापक आणि ठोस स्वरूप देण्यासाठी लवकरच अधिकृतपणे पुढील आंदोलनाची दिशा जाहीर केली जाईल, असे संकेत त्यांनी मुलाखतीदरम्यान दिले आहेत.