प्रश्न विचारणाऱ्यांनाच अटक 

या प्रकरणामध्ये संतोष पंडितांनी भाषेच्या आणि देहबोलीच्या मर्यादा पाळायला हव्या होत्या यात दुमत नाही, मात्र प्रश्न विचारणाऱ्या नागरिकांना किंवा पत्रकारांना अशा प्रकारे मध्यरात्री अटक करणे कितपत योग्य आहे, असा सवाल उपस्थित होत आहे. नियमभंग करणाऱ्या आमदार-खासदार किंवा इतर व्हीआयपी व्यक्तींवर कारवाई का होत नाही, आणि संतोष पंडितांना अश्लील शिवीगाळ करणाऱ्यांवर पोलिसांनी कायदेशीर बडगा का उगारला नाही, असे प्रश्न विरोधकांकडून व सर्वसामान्य नागरिकांकडून विचारले जात आहेत.

हे ही वाचा : Maharashtra Weather : पावसाचा पुन्हा ब्रेक, पुन्हा एकदा राज्यावर संकट? IMD अपडेट

सत्ताधाऱ्यांविरोधात बोलणाऱ्यांना भीती

सुप्रिया सुळे आणि रोहित पवार यांच्यासह अनेक नेत्यांनी या कारवाईचा निषेध करत, हा नागरिकांचा आवाज दाबण्याचा आणि दडपशाहीचा प्रयत्न असल्याचा आरोप केला आहे. पुण्यात डीजेमुक्त उत्सवाची मागणी करणाऱ्या विद्यानंद बापट यांना झालेली मारहाण आणि संतोष पंडितांवर झालेली कारवाई, या दोन्ही घटनांमधून सत्ताधाऱ्यांविरोधात बोलणाऱ्यांना भीती दाखवण्याचा संदेश दिला जात असल्याची चर्चा सध्या राजकीय वर्तुळात रंगली आहे.

हे ही वाचा : हार्मोनल असंतुलन अन् नैराश्य..., महिलेने पोटच्या 4 महिन्यांच्या जुळ्या मुलींसोबत काय केलं?

...तर नागरिकांचे स्वातंत्र्य धोक्यात येईल

लोकशाहीत सत्तेला आणि लोकप्रतिनिधींना जाब विचारणे हा प्रत्येक नागरिकाचा अधिकार असून, यामुळेच लोकशाही मजबूत होते. मानसिक गुलामगिरीतून बाहेर पडून जर अशा दडपशाहीविरोधात हजारो बापट आणि पंडित एकत्र उभे राहिले नाहीत, तर नागरिकांचे स्वातंत्र्य धोक्यात येईल, असा इशारा या संपूर्ण घटनेच्या निमित्ताने दिला जात आहे.