'पप्पा खड्डा खांदत आहेत', मुलीचा आईला फोेन, अन् 3 फुट खाली सापडली मुलीची बॉडी
Crime News : अमृतसरमध्ये चारित्र्यावर संशय घेत वडिलांनी 19 वर्षीय मुलीची हत्या केल्याचा आरोप आहे. हत्या केल्यानंतर घरामागे तीन फूट खोल खड्डा खोदून मृतदेह पुरल्याचे पोलिसांच्या तपासात समोर आले.
ADVERTISEMENT
बातम्या हायलाइट
'पप्पा खड्डा खांदत आहेत', मुलीचा आईला फोेन,
अन् 3 फुट खाली सापडली मुलीची बॉडी
Crime News : पंजाबच्या अमृतसर जिल्ह्यातील मत्तेवाल पोलीस ठाण्याच्या हद्दीत नात्यांना काळिमा फासणारी धक्कादायक घटना समोर आली आहे. चारित्र्यावर संशय घेत वडिलांनीच आपल्या 19 वर्षीय मुलीची हत्या केल्याचा आरोप आहे. हत्या केल्यानंतर पुरावे नष्ट करण्याच्या उद्देशाने आरोपीने घराच्या मागे सुमारे तीन फूट खोल खड्डा खोदून मुलीचा मृतदेह पुरल्याचे समोर आले आहे. मृत तरुणीची ओळख नवनीत कौर अशी झाली आहे. हत्येपूर्वी नवनीतने आईला फोन करून वडील घराबाहेर मोठा खड्डा खोदत असल्याचे सांगितले होते. त्यानंतर तिचा फोन बंद येऊ लागला. बुधवारी पोलिसांनी जेसीबीच्या मदतीने संशयित ठिकाणी खोदकाम केले असता नवनीतचा कुजलेला मृतदेह सापडला.
पतीच्या या गोलमोल उत्तरांमुळे मुलीबाबत संशय वाढला
नवनीतची आई सरबजीत कौर हिने पोलिसांना दिलेल्या माहितीनुसार, कौटुंबिक कलह आणि पतीच्या रोजच्या भांडणांना कंटाळून ती 25 ऑगस्ट रोजी माहेरी गेली होती. त्यानंतर 31 ऑगस्ट रोजी नवनीतने तिला फोन केला. यावेळी ती घाबरलेल्या अवस्थेत होती. वडील घराबाहेर मोठा खड्डा खांदत असल्याचे तिने आईला सांगितले. या संभाषणानंतर नवनीतशी सरबजीतचा संपर्क पूर्णपणे तुटला. मुलीबाबत पतीकडे विचारणा केली असता त्याने टाळाटाळ करणारी उत्तरे दिली. नवनीतला सहा महिन्यांसाठी कुठेतरी बाहेर पाठवले असल्याचा दावा त्याने केला. मात्र पतीच्या या गोलमोल उत्तरांमुळे सरबजीतला मुलीबाबत संशय आला.
हेही वाचा : बारामती: 16 वर्षीय विद्यार्थिनीची इमारतीच्या छतावरून उडी, उपचारादरम्यान दुर्दैवी अंत