मुंबई आणि पुणेकरांनो आता फक्त वाट पाहा.. तुफान पावसामुळे किती ट्रेन थेट रद्द?
Mumbai Pune Railway News: मुसळधार पावसामुळे मुंबई-पुणे रेल्वे मार्गावर दरड कोसळल्याने आणि माती वाहून आल्याने, ६ जुलैसाठी या मार्गावरील सहा एक्सप्रेस गाड्या रद्द करण्यात आल्या आहेत.
ADVERTISEMENT
पुणे: मुंबई, पुणे आणि परिसरात सुरू असलेल्या मुसळधार पावसाचा फटका आता रेल्वे वाहतुकीलाही बसला आहे. मध्य रेल्वेच्या मुंबई विभागाने दिलेल्या माहितीनुसार, खंडाळा–मंकी हिल–ठाकूरवाडी दरम्यान रेल्वे रुळांवर अनेक ठिकाणी दगड आणि माती वाहून आल्यामुळे हा मार्ग तात्पुरता रेल्वे वाहतुकीसाठी बंद करण्यात आला आहे.
रेल्वे प्रशासनाने सुरक्षिततेच्या कारणास्तव 6 जुलै 2026 रोजी मुंबई-पुणे आणि मुंबई-धुळे मार्गावरील काही महत्त्वाच्या एक्स्प्रेस गाड्या रद्द करण्याचा निर्णय घेतला आहे. त्यामुळे प्रवाशांना प्रवासापूर्वी रेल्वेच्या अधिकृत माहितीकडे लक्ष देण्याचे आवाहन करण्यात आले आहे.
रुळांवर दगड आणि मातीचा साठा
सततच्या मुसळधार पावसामुळे घाट विभागात दरडी कोसळण्याच्या घटना वाढल्या आहेत. ठाकूरवाडी–मंकी हिल (TKW–MHLC) या विभागात रेल्वे रुळांवर दगड आणि माती वाहून आल्याने रेल्वे वाहतुकीस धोका निर्माण झाला. त्यामुळे संबंधित मार्गावरील वाहतूक तात्पुरती थांबवून रेल्वे कर्मचारी आणि अभियंते युद्धपातळीवर साफसफाई आणि दुरुस्तीचे काम करत आहेत.
या 6 गाड्या रद्द
मध्य रेल्वेने 6 जुलै रोजी खालील गाड्या रद्द केल्या आहेत.
