सोलापूर हादरले, कॉलेजचं प्रेम, पण आईचा लग्नाला विरोध, आदित्यने स्नेहाला संपवलं! स्वत:च्याही गळ्यावर वार केले
Solapur Crime News : मुलीच्या आईचे माहेर हे अक्कलकोट तालुक्यातील मैंदर्गी (ता.अक्कलकोट) येथे आहे. मुलीचे मामा खाजप्पा पोतेनवरू हे मैंदर्गीत राहतात. तेथे स्नेहा बारावीपर्यंतच्या शिक्षणासाठी मामाकडे होती. येथे मैंदर्गीजवळील नागूरतांडा येथील आदित्यशी तिची ओळख झाली.
ADVERTISEMENT
बातम्या हायलाइट
सोलापूर हादरले, कॉलेजचं प्रेम, पण आईचा लग्नाला विरोध
आदित्यने स्नेहाला संपवलं! स्वत:च्याही गळ्यावर वार केले
Solapur Crime News : सोलापूरच्या एका तरुणीचा अक्कलकोटमध्ये गळा चिरून निघृण खून झाल्याची घटना रविवारी घडली. सोबत असलेल्या प्रियकरानेच तिचा खून केला आणि स्वतःच्या गळ्यावरही त्याने धारधार शस्त्राने वार केले. त्यात तोही गंभीर जखमी झाला आहे. अक्कलकोट येथील बासलेगाव रोडवरील लोखंडे मंगल कार्यालयाच्या पाठीमागे (पिरजादे प्लॉटमधील कोळी यांच्या घरात) सकाळी 10.30 ते 11.45 वाजेच्या दरम्यान ही घटना घडली. स्नेहा श्रीकांत बनसोडे (वय 20, रा.रामवाडी, सोलापूर) असे खून झालेल्या तरुणीचे नाव आहे. आदित्य रमेश चव्हाण (रा.नागूरतांडा, ता. अक्कलकोट) असे जखमी तरुणाचे नाव आहे.
जखमी तरुणावर शासकीय रुग्णालयात उपचार सुरू आहेत. मुलीच्या आईने दिलेल्या फिर्यादीवरून अक्कलकोट उत्तर पोलिस ठाण्यात गुन्हा दाखल झाला आहे. प्रियकर आदित्य चव्हाण यावर सोलापूरच्या शासकीय रुग्णालयात उपचार सुरू आहेत. मुलीचा मृतदेह उत्तरीय तपासणीसाठी येथील ग्रामीण रुग्णालयात दाखल केला आहे.
महाविद्यालयीन शिक्षण घेताना झाली ओळख
मुलीच्या आईचे माहेर हे अक्कलकोट तालुक्यातील मैंदर्गी (ता.अक्कलकोट) येथे आहे. मुलीचे मामा खाजप्पा पोतेनवरू हे मैंदर्गीत राहतात. तेथे स्नेहा बारावीपर्यंतच्या शिक्षणासाठी मामाकडे होती. येथे मैंदर्गीजवळील नागूरतांडा येथील आदित्यशी तिची ओळख झाली. तो स्नेहास मोबाइलवरून 'तुझ्यासोबत लग्न करणार आहे,' असे म्हणायचा. 'तू तिच्याशी बोलू नको, परत आमच्या घराकडे फिरकू नको, तुझ्यासोबत आम्ही मुलीचे लग्न लावून देणार नाही,' असे कुटुंबियांनी त्याला सांगितले होते. तरीही दोघे संपर्कात होते. त्यातूनच हा प्रकार घडल्याचा संशय व्यक्त केला जात आहे.
हे वाचलं का?
