Mumbai Plane Crash Video: मुंबई विमानतळावर 8 प्रवाशांसह चार्टर विमान कोसळलं, नेमकं काय घडलं?

डीजीसीएच्या सूत्रांनी सांगितले की, प्राथमिक अहवालानुसार या अपघातात कोणतीही जीवितहानी झालेली नाही. मात्र, काही जण जखमी झाल्याचे वृत्त आहे. वास्तविक, मुंबई विमानतळावर रनवे-27 वर उतरताना व्हीटी-डीबीएल चार्टर अचानक बंद पडलं. यावेळी विमानात 06 प्रवासी आणि 02 क्रू मेंबर्स होते. मुसळधार पावसामुळे दृश्यमानता फक्त 700 मीटर होती.

हे ही वाचा>> Bademiya: हे काय… मुंबईतील प्रसिद्ध ‘बडेमिया’च्या किचनमध्ये उंदीर-झुरळं, FDA ही अवाक्

नेमकं काय घडलं?

या घटनेची माहिती तातडीने मुंबई अग्निशमन दलाला देण्यात आली. ही घटना गुरुवारी सायंकाळी 5.45 वाजता घडली. या अपघातात खासगी चार्टर विमानाचे मोठे नुकसान झाले आहे. अपघातानंतर एमएफबी, पोलीस आणि रुग्णवाहिका घटनास्थळी पोहोचली. या अपघातात तीन जण जखमी झाल्याचे सांगण्यात येत आहे. जखमींना नजीकच्या रुग्णालयात दाखल करण्यात आले आहे.

 

View this post on Instagram

 

A post shared by Mumbai Tak (@mumbaitak)

हे ही वाचा>> Shiv Sena MLA : शिंदे विरुद्ध ठाकरे! विधानसभा अध्यक्षाच्या कोर्टात काय झालं?

या घटनेचा व्हिडिओही समोर आला आहे. ज्यामध्ये हे स्पष्टपणे दिसत आहे की सर्वत्र धुके आहे आणि दृश्यमानता खूपच कमी आहे. तसेच, या घटनेनंतर एक विमान धावपट्टीच्या बाजूला पडलेले दिसत आहे. जिथे अग्निशमन दलाच्या गाड्याही घटनास्थळी हजर आहेत.