विराट-अनुष्का वृंदावनमध्ये पोहोचले, प्रेमानंद महाराजांनी दिला 'हा' खास कानमंत्र...

प्रेमानंद महाराजांनी काय कानमंत्र दिला? 

प्रेमानंद महाराजांनी विराट आणि अनुष्का यांना सांगितलं की, "वैभव मिळणं ही ईश्वराची कृपा नसून ते पुण्य आहे. तुम्ही पाहिलं असेल की, चुकीची कामं करणाऱ्यांनाही वैभव मिळतं. पण हे त्यांच्या मागच्या जन्माचं पुण्य असतं. त्यामुळे वैभव किंवा यश याला कृपा समजू नये. खरी कृपा तेव्हा होते, जेव्हा अंतर्मनाचा विचार बदलतो."

हे ही वाचा >> ऑनलाईन चाकू मागवला, स्वत:ला संपवलं! चिठ्ठीमध्ये शिक्षणमंत्र्यांकडे काय मागणी केली?

प्रेमानंदजी महाराजांनी पुढे सांगितलं की, ईश्वर जेव्हा कृपा करतो, तेव्हा तो संतांचा सहवास आणि जीवनात प्रतिकूलता देतो. जर तुमच्या आयुष्यात प्रतिकूलता दिसली, तर समजून जा की ईश्वराची कृपा होतेय. जेव्हा एखादं काम तुमच्या मनाप्रमाणे होत नाही आणि तुम्हाला कष्ट करावे लागतात, थोडा त्रास सहन करावा लागतो. तेव्हा असं समजा की, ईश्वर तुमच्यावर कृपा करतोय. त्यामुळे तुम्ही फक्त ईश्वराचं नामस्मरण करत राहा," असा सल्ला प्रेमानंद महाराजांनी दिला आहे.

विराट-अनुष्का तिसऱ्यांदा प्रेमानंद महाराजांच्या चरणी 

प्रेमानंद महाराजांनी विराट आणि अनुष्का यांच्याशी 15 मिनिटं संवाद साधला. मात्र, विराट आणि अनुष्का या आश्रमात जवळपास दोन तास होते. विशेष म्हणजे, प्रेमानंद महाराजांच्या दर्शनाची त्यांची ही पहिली वेळ नाही. यापूर्वी 2023 मध्ये आणि यावर्षी जानेवारीतही त्यांनी वृंदावनाला भेट दिली होती. दरम्यान, विराट आणि अनुष्का यांच्या या भेटीने त्यांच्या चाहत्यांमध्ये आणि माध्यमांमध्ये चर्चेला उधाण आलं आहे.