Marine Drive : वसतिगृहात ‘त्या’ खोलीत विद्यार्थिनीसोबत घडलं तरी काय?, Inside Story
Marine Drive Murder Case: मरीन ड्राईव्ह येथील वसतिगृहात 19 वर्षीय तरुणीच्या हत्येचं गूढ आता उकलंल आहे. जाणून घ्या काय आहे या प्रकरणातील इनसाइड स्टोरी
ADVERTISEMENT
Marine Drive Murder Case: मुंबई: मरीन ड्राईव्ह वसतिगृहातील तरुणीच्या हत्येप्रकरणी (Marine Drive Hostel Murder) आता नवनवीन आणि धक्कादायक माहिती समोर येत आहे. आता याचबाबत एक नवी माहिती समोर आली आहे. त्यानुसार, आरोपी ओमप्रकाश कनोजिया (om prakash kanojia) याने लेगिन्सने गळा आवळून तरुणीची निर्घृणपणे हत्या केल्याचं आता समोर आलं आहे. पण मुलींच्या वसतिगृहात आरोपी कनोजिया याचा मुक्त वावर कसा होता? त्याला एवढी मुभा दिलीच कोणी होती? यासारखे प्रश्न आता उपस्थित केले जात आहेत. (marine drive hostel murder 19 year old female student inside story mumbai police crime akola)
मिळालेल्या माहितीनुसार, आरोपी कनोजिया हा धोब्याचं काम करायचा. पण त्यालाच कंत्राटी पद्धतीने वसतिगृह प्रशासनाने सुरक्षा रक्षक म्हणून देखील नेमल्याचं आता समोर आलं आहे. सुरुवातीला ओमप्रकाश हा वसतिगृहातील मुलींची बरीच कामं करून द्यायचा. त्यामुळे येथील मुलींचा विश्वास त्याने कमावला होता. पण यामागे त्यांच्या मनात काळबेरं होतं.
हे ही वाचा>> Mira Road Murder : लिव्ह इन पार्टनरचे लाकूड कापायच्या मशीनने केले तुकडे
5 जून रोजी वसतिगृहातील 4 चौथ्या मजल्यावर राहणाऱ्या तरुणीच्या हत्येची माहिती जेव्हा समोर आली तेव्हा अवघा महाराष्ट्र हादरून गेला. कारण मरीन ड्राईव्हसारखा उच्चभ्रू परिसर हा अतिशय सुरक्षित समजला जातो. मात्र, याच ठिकाणी असलेल्या वसतिगृहात 19 वर्षीय तरुणीची हत्या झाल्याने पोलीस प्रशासन देखील हादरलं आहे.
लेगिन्सने आवळला गळा अन्..
वसतिगृहाच्या चौथ्या मजल्यावर तरुणी ही गेल्या काही दिवसांपासून एकटीच राहत होती. या मजल्यावर असलेल्या इतर खोल्या या रिकाम्याच होत्या. त्यामुळे तरुणी ही एकटीच चौथ्या मजल्यावर राहत होती. तिला तिच्या इतर मैत्रिणींनी त्यांच्या खोलीत येऊन राहावं असंही सुचवलं होतं. पण आपलं वसतिगृह सुरक्षित आहे. तिथे आपल्या जीवाला फार काही धोका नाही असं म्हणत तरुणीने चौथ्याच मजल्यावर एकटीने राहणं पसंत केलं. पण इथेच तिचा घात झाला.
हे वाचलं का?
