Rajasthan News : ती ओरडत होती पण…, गर्भवती पत्नीची गावातून काढली नग्न धिंड
Rajastan News : चार महिन्यांची गर्भवती असलेल्या पत्नीची पतीनेच धिंड काढल्याची घटना राजस्थानात घडली. या प्रकरणी पोलिसांनी 12 जणांना अटक केली आहे.
ADVERTISEMENT
Rajasthan Pratapgarh : राजस्थानतील प्रतापगड जिल्ह्यातून समोर आलेल्या व्हिडीओ देशात खळबळ उडालीये. एका गरोदर आदिवासी महिलेची संपूर्ण गावातून नग्नावस्थेत धिंड काढण्यात आली. इतकेच नाही, तर अमानुषपणे मारहाण करण्यात आली. हे घृणास्पद कृत्ये तिच्या पतीनेच केले. हा व्हिडिओ व्हायरल होताच राज्याचे मुख्यमंत्री अशोक गेहलोत यांनी पोलिसांना कडक कारवाईचे आदेश दिले. (A pregnant tribal woman was paraded naked in front of the crowd in the entire village and brutally assaulted by husband)
तत्काळ कारवाई करत पोलीस विभागाने मुख्य आरोपीसह 10 जणांना अटक केली असून, एका अल्पवयीनाला ताब्यात घेतले आहे. या घटनेनंतर महिलांच्या सुरक्षेबाबत पुन्हा एकदा मोठा प्रश्न निर्माण झाला आहे. राजस्थानमध्ये काही दिवसांपूर्वी एका अल्पवयीन मुलीवर सामूहिक बलात्कार करून तिची हत्या करण्यात आली होती आणि आरोपींनी तिचा मृतदेह कोळशाच्या भट्टीत जाळला होता.
ती विनवण्या करत होती अन् लोक तिला नग्न करताना बघत राहिले
1 सप्टेंबर रोजी प्रतापगड जिल्ह्यातील एका गावात 21 वर्षीय महिलेला विवस्त्र करतानाचा व्हिडिओ सोशल मीडियावर व्हायरल झाला. येथे गरोदर महिलेला विवस्त्र करून गावातून धिंड काढण्यात आली. व्हिडीओमध्ये महिला रडताना दिसत आहे. ती आरोपी पतीला तिला सोडून देण्याची विनवणी करत होती. तिने स्वत:ला पतीच्या हातातून सोडवण्याचा अयशस्वी प्रयत्नही केला.
हेही वाचा >> Amravati crime : दिवाण बेडमधून पडत होतं रक्त, आतमध्ये सापडले मायलेकाचे मृतदेह
पती तिचे कपडे फाडण्याचा प्रयत्न करत राहिला, तिच्या विनवण्यांचा त्याच्यावर काहीही परिणाम झाला नाही. शेजारी उभे असलेले लोक पीडितेचे कपडे उतरवताना फक्त बघत राहिले. काहीजणांनी तर निर्लज्जपणे मोबाईलमध्ये व्हिडिओ बनवले. पत्नीला निर्वस्त्र केल्यानंतर आरोपीने महिलेला गावभर फिरवले. हे करताना पत्नी 4 महिन्यांची गरोदर असल्याचं भान त्याला नव्हते.
हे वाचलं का?
