Sukhdev Singh Gogamedi Murder:’वाघाला फसवून मारलं, पण वाघीण अजून…’, गोगामेडीची पत्नी गरजली!
राष्ट्रीय राजपूत करणी सेनेचे अध्यक्ष सुखदेव सिंह गोगामेडी यांची हत्या झाल्यानंतर आता त्यांच्या पत्नीने विरोधकांना थेट आव्हान देत, तुम्ही वाघाला फसवून मारलं, पण ही वाघीण अजून जिवंत असल्याचे ठणकावून सांगितले आहे.
ADVERTISEMENT
Sheela Shekhawat : राष्ट्रीय राजपूत करणी सेनेचे अध्यक्ष सुखदेव सिंह गोगामेडी (Sukhdev Singh Gogamedi)यांच्या हत्येविरोधात जयपूरमध्ये सुरू असलेले आंदोलन मागे घेण्यात आले आहे. सुखदेव यांची पत्नी शीला शेखावत (Sheela Shekhawat) यांनी त्यांच्या कार्यकर्त्यांना आवाहन करण्यात आल्यानंतर हे आंदोलन मागे घेण्यात आले आहे. यावेळी त्यांनी सांगितले की, या हत्येतील आरोपींना 72 तासांच्या आत अटक करणार असल्याचे अश्वासन पोलिसांनी दिले आहे. त्याचबरोबर शीला यांनी सांगितले की, कोल्ह्याने वाघाची शिकार केली आहे. यामध्ये वाघाचा बळी गेल्याने समाज आता जागृत झाला आहे. त्यामुळे सुखदेव गोगामेडी यांचे हौतात्म्य आम्हा व्यर्थ जाऊ देणार नसल्याचेही त्यांनी सांगितले.
गावागावात श्रद्धांजली
कार्यकर्त्यांच्या आंदोलनानंतर सुखदेव यांचा मृतदेह पोस्टमॉर्टमसाठी पाठवण्यात आला. गुरुवारी सकाळी 7 वाजल्यापासून पार्थिव जयपूरमधील राजपूत भवनात अंतिम दर्शनासाठी ठेवण्यात येणार आहे. सुखदेव सिंह यांच्या अंतिम दर्शनाचा कार्यक्रम सुमारे 2 तास चालणार आहे. त्यानंतर त्यांना रस्त्याने त्यांच्या मूळ गावी गोगामेडी येथे घेऊन जाण्यात येणार आहे. त्यांच्या मूळगावी मृतदेह घेऊन जाताना त्यांना वाटेत ठिकठिकाणी लोकं श्रद्धांजली वाहणार आहेत.
वाघीण अजून जिवंत
एका वृत्तसंस्थेच्या माहितीनुसार शीला यांनी सर्व कार्यकर्त्यांना सांगितले की, सध्या पोलिसांनी 72 तासांच्या आता सुखदेव यांच्या मारेकऱ्यांना अटक करण्याचे लेखी आश्वासन दिले आहे. पण जर तुमच्या बहिणीला म्हणजे मला तुमची गरज असेल तर तुम्ही मला आधार देण्यासाठी माझ्या पाठीशी उभा राहणार का असा सवालही त्यांनी कार्यकर्त्यांना केला आहे. यावेळी शीला यांनी सगळ्या कार्यकर्त्यांसमोर बोलताना म्हणाल्या की, त्यांनी आमच्या वाघाला फसवून मारलं आहे, पण त्यांच्या लक्षात नाही की, मीही वाघीण अजून जिवंत आहे, त्यामुळे मी या सगळ्यांना बघून घेणार अशी तंबीच त्यांनी त्यांच्या विरोधकांना दिली आहे.
हे ही वाचा >> Nalasopara Crime : ‘शेंबड्या’ म्हणत चिडवलं, 8 वर्षाच्या मुलीचा ‘त्याने’ जीवच घेतला
रामलीला मैदानावरही श्रद्धांजली
पोलिसांनी लेखी आश्वासन दिल्यानंतर शीला शेखावत यांनी सांगितले की, पोलिसांनी दिलेला शब्द हा तुमच्या संघर्षाचे फळ आहे. तुमच्यामुळेच आम्हाला उच्च अधिकार्‍यांनी हेही सांगितले की, श्यामनगर पोलीस स्थानकाचे एक अधिकारी आणि इतर पोलीस कर्मचाऱ्यांनाही तात्काळ निलंबित करण्यात आले आहे. सुखदेव यांना त्यांच्या मूळगावी आणि त्यानंतर 10 डिसेंबर रोजी दिल्लीतील रामलीला मैदानावरही त्यांना श्रद्धांजली वाहण्यात येणार आहे.
हे वाचलं का?
