Sakshi Murder : स्नेहा, निक्की, श्रद्धा आणि निकिता; प्रियकरांच्या क्रूर कहाण्या

18 मे 2023 : विद्यार्थी असलेल्या अनुजने ग्रेटर नोएडा येथील शिव नादर युनिव्हर्सिटी कॅम्पसमध्येच स्नेहा चौरसिया या वर्गमैत्रिणीची गोळ्या झाडून हत्या केली, त्यानंतर त्याने वसतिगृहात जाऊन स्वत:वर गोळी झाडली. स्नेहाचे अनुजसोबत ब्रेकअप झाले होते, त्यामुळे तो संतापला आणि हत्या केल्याचं नंतर पोलीस तपासात समोर आलं.

हेही वाचा >> Balu Dhanorkar : …अन् त्या व्हायरल कॉलने काँग्रेसला महाराष्ट्रात दिला एकमेव खासदार

एप्रिल 2023 : दिल्लीतील मोलाडबंदमध्ये एका 17 वर्षीय तरुणीची चाकूने भोसकून हत्या करण्यात आली. दोघे रिलेशनशिपमध्ये होते, मात्र काही काळापूर्वी तरुणीने त्याच्याशी बोलणे बंद केले होते. आरोपी प्रिन्सने तिच्यावर चाकूने अनेक वार केले होते.

निकीचा साहिलने घोटला गळा

फेब्रुवारी 2023 : साहिल गेहलोतने दिल्लीतील निगम बोध घाटाजवळ कारमध्ये झालेल्या वादाच्या वेळी डेटा केबलने निक्की यादवचा गळा दाबून खून केला. एवढेच नाही तर त्याने निकीचा मृतदेह समोरच्या सीटवर बसवला आणि सीट बेल्ट लावला आणि कश्मीरी गेट भागातून पश्चिम विहारमार्गे नजफगडमधील 50 किमी अंतरावर असलेल्या मित्रा गावात नेला. खरं तर, साहिलच्या कुटुंबीयांनी त्याचे लग्न ठरवले होते, ज्याची माहिती निकीला कळाली, ज्यामुळे त्यांच्या नात्यात दुरावा निर्माण झाला होता.

हेही वाचा >> Sakshi Murder : एक्स बॉयफ्रेंड, टॅटू अन् साहिलने गाठली क्रौर्याची परिसीमा

जानेवारी 2023 : आदर्श नगर भागात लग्नासाठी कुटुंबीय तयार नसल्यामुळे मुलीची तिच्या प्रियकराने हत्या केली. तरुणीवर चाकूने वार करून सुखविंदर अंबाला येथे पळून गेला होता. तेथून पोलिसांनी त्याला पकडले होते. या घटनेचे सीसीटीव्ही फुटेजही समोर आले होते. त्यामध्ये तरुणाची क्रूरता पाहून लोक अवाक् झाले होते.

श्रद्धा वालकरचे केले 35 तुकडे

मे, 2022 : दक्षिण दिल्लीतील मेहरौली भागात झालेले श्रद्धा वालकर हत्या प्रकरण अनेक दिवस चर्चेत राहिले. खरं तर, श्रद्धाचा प्रियकर आफताब पूनावाला याने तिची हत्या केली आणि तिच्या मृतदेहाचे 35 तुकडे करून जंगलात फेकून दिले होते. यासोबतच श्रद्धाचे कपडे, चाकू आणि मोबाईलही लपवण्यात आला होता. काही दिवसांनी हे प्रकरण उघडकीस आल्यानंतर पोलिसांना ठोस पुरावे सापडले नाहीत. आफताबने चौकशीदरम्यान पोलिसांना सांगितले की, श्रद्धा आपल्याला सोडून जाणार असल्याचा संशय असल्याने त्याने तिचा गळा दाबून खून केला.

हेही वाचा >> 2024 लोकसभा निवडणूक: BJP-शिंदेंसाठी धोक्याची घंटा, मविआ मारणार मोठी मुसंडी?

जुलै, 2022 : पूर्व दिल्लीतील विश्वास नगरमध्येही अशीच एक घटना समोर आली होती, ज्यात दीपक भाटी नावाच्या व्यक्तीने एका महिलेची गोळ्या झाडून हत्या केली होती. दीपकचे या महिलेसोबत संबंध होते, मात्र महिलेने काही दिवसांपासून बोलणे बंद केले होते.

सप्टेंबर 2021 : उत्तम नगरमध्ये अंकितने एका 22 वर्षीय तरुणीची अनेक वार करून हत्या केली. दोघे रिलेशनशिपमध्ये होते, मात्र नंतर मुलीने अंकितशी बोलणे बंद केले. त्यामुळे संतापलेल्या अंकितने हे भयानक पाऊल उचलले आणि जिच्यावर प्रेम करत होता तिलाच संपवले.

निकिताचं अपहरण करण्याचा प्रयत्न

ऑक्टोबर, 2020 : जेव्हा निकिता तोमर फरिदाबादच्या बल्लभगड येथील कॉलेजमधून बाहेर पडत होती. समोर आई आणि भाऊ त्याची वाट पाहत होते, पण I-20 कार निकिताच्या जवळ येताच गाडीत बसलेल्या तौसीफने तिला पकडण्याचा प्रयत्न केला. तौसीफ आणि रेहान यांना निकिताचे अपहरण करायचे होते. तौसीफने तिला गाडीत बसवण्याचा प्रयत्न केला. यात अपयश आल्याने तौसिफने गोळीबार केला. यात गोळी निकिताच्या खांद्यातून आरपार गेली. मात्र, नंतर दोन्ही आरोपींना अटक करण्यात आली.