सिद्धू मूसेवाला हत्या प्रकरण: मास्टरमाईंड गँगस्टर गोल्डी बरारला कॅलिफोर्नियात पकडलं
पंजाबी सिंगर सिद्धू मुसेवालाच्या हत्या प्रकरणातला मास्टरमाईंड गँगस्टर गोल्डी बरारला कॅलिफोर्नियातून ताब्यात घेण्यात आलं आहे. भारतातल्या गुप्तचर यंत्रणाच्या सूत्रांनी ही माहिती दिली आहे. याबाबत कॅलिफोर्निया किंवा भारत सरकारतर्फे अधिकृत माहिती देण्यात आलेली नाही. पंजाबचा सुप्रसिद्ध गायक सिद्धू मुसेवाला याची २९ मे २०२२ ला गोळ्या झाडून हत्या करण्यात आली होती. त्या प्रकरणातला मास्टरमाईंड पकडला गेला आहे. […]
ADVERTISEMENT
पंजाबी सिंगर सिद्धू मुसेवालाच्या हत्या प्रकरणातला मास्टरमाईंड गँगस्टर गोल्डी बरारला कॅलिफोर्नियातून ताब्यात घेण्यात आलं आहे. भारतातल्या गुप्तचर यंत्रणाच्या सूत्रांनी ही माहिती दिली आहे. याबाबत कॅलिफोर्निया किंवा भारत सरकारतर्फे अधिकृत माहिती देण्यात आलेली नाही. पंजाबचा सुप्रसिद्ध गायक सिद्धू मुसेवाला याची २९ मे २०२२ ला गोळ्या झाडून हत्या करण्यात आली होती. त्या प्रकरणातला मास्टरमाईंड पकडला गेला आहे.
सिद्धू मुसेवाला जागीच ठार
सिद्धू मुसेवालावर करण्यात आलेला गोळीबार इतका भयंकर होता की तो जागेवरच ठार झाला. पोलिसांनी या प्रकरणी ३४ जणांना आरोपी केलं आहे. गोल्डी बरारने या हत्येचा कट आखला होता. लॉरेंस बिश्नोई सोबत एकत्र येत त्याने या हत्येचा कट रचला होता.
गोल्डी बरारवर १६ पेक्षा जास्त गुन्हे दाखल
सतिंदरजीत सिंह उर्फ गोल्डी बरार हा लॉरेंस बिश्नोई गँगचा विश्वासू मानला जातो. गेल्या वर्षी पंजाबच्या फरिदकोट भागात एका न्यायालयाने युवक काँग्रेसचे नेते गुरलाल सिंह यांच्या पैलवानाच्या हत्ये प्रकरणात गोल्डीच्या विरोधात अजामीनपात्र वॉरंटही लागू केला आहे. तसंच १६ पेक्षा जास्त गुन्ह्यांमध्ये त्याचा शोध पोलीस घेत होते. भारतातून तो कॅनडाला पळाला होता.
गोल्डी बरारविरोधात रेड कॉर्नर नोटीस
गेल्या काही दिवसांमध्ये इंटरपोलने गोल्डी बरारच्या विरोधात रेड कॉर्नर नोटीस जारी केली होती. गोल्डी बरारने कॅनडात बसून सिद्धू मुसेवालाच्या हत्येचा कट रचला होता. याच प्रकरणात तिहार जेलमध्ये असलेल्या लाँरेन्स बिश्नोईचीही चौकशी करण्यात येते आहे. गोल्डी बरारविरोधात हत्या, हत्येचा प्रयत्न आणि कट रचणं तसंच हत्यारांची तस्करी याचे आरोप आहेत.
हे वाचलं का?
